சூப்பர் ஸ்டார் ரஜினிகாந்த் நேற்று தனது 75வது பிறந்தநாள் கொண்டாடினார். அவரது பிறந்த நாளை முன்னிட்டு நேற்று ரஜினிகாந்த் நடித்த படையப்பா படம் ரி ரிலீஸ் செய்யப்பட்டது, தனது 75வது பிறந்த நாளை கொண்டாடிய அவர் குடும்பத்துடன் ஆந்திரா மாநிலம் திருப்பதியில் உள்ள ஏழுமலையான் கோவிலுக்கு சென்றிருக்கிறார்.
இன்று அதிகாலை நடிகர் ரஜினிகாந்த் தனது குடும்பத்துடன் திருமலையில் உள்ள ஏழுமலையான் சுவாமியை தரிசனம் செய்தார். தனது குடும்பத்துடன் ஏழுமலையான் கோவிலுக்கு சென்ற ரஜினிகாந்துக்கு கோவில் நிர்வாகம் சார்பில் வரவேற்பு அளிக்கப்பட்டது. தனது பிறந்தநாள் கொண்டாடிய கையோடு குடும்பத்தோடு நேரடியாக திருப்பதி ஏழுமலையானை நடிகர் ரஜினிகாந்த் தரிசனம் செய்தது இணையத்தில் வைரலாகி வருகிறது.