திரைத்துறையில் தொடரும் சோகம்.. ‘மௌன ராகம்’ பட நடிகர் திடீர் மரணம்.. அதிர்ச்சியில் மூழ்கிய திரையுலகம்…

தமிழ் சினிமாவின் முன்னணி இயக்குனர்களில் ஒருவராக வளம் வந்தவர் ரா. சங்கரன். இவர்  இயக்குனராக மட்டுமின்றி நடிகராகவும், தனக்கென ஒரு தனி அடையாளத்தை உருவாக்கிக் கொண்டவர். 1974 ஆம் ஆண்டு வெளிவந்த ‘ஒண்ணே ஒன்னு கண்ணே கண்ணு. என்ற திரைப்படத்தின் மூலம் இயக்குனராக திரையுலகில் கால் பதித்தார்.

இதை தொடர்ந்து தேன் சிந்துதே வானம், துர்கா தேவி, ஒருவனுக்கு ஒருத்தி, தூண்டில், பெருமைக்குரியவள் போன்ற  பல ஹிட் திரைப்படங்களை இயக்கியுள்ளார். அதோடு மட்டுமின்றி இவர் நடிகராக ‘ஆடிப்பெருக்கு’ என்ற திரைப்படத்தின் மூலம் தனது நடிப்பு பயணத்தை தொடங்கினர்.

இதை தொடர்ந்து ஒரு கைதியின் டைரி, பகல் நிலவு, காதல் கோட்டை என பல திரைப்படங்களில் நடிகராக நடித்து அசத்தியுள்ளார். முக்கியமாக மணிரத்னம் இயக்கத்தில் வெளியான மௌன ராகம் படத்தில் ரேவதி அப்பாவாக சந்திரமௌலி என்ற கதாபாத்திரத்தில் நடித்திருப்பார். இந்த கதாபாத்திரத்தில் அவர் தனது அழுத்தமான நடிப்பின் மூலம் மக்கள் மத்தியில் தனக்கென ஒரு தனி இடத்தை பிடித்தார்.

இந்நிலையில் 92 வயதாகும் பழம்பெறும் இயக்குனரும் நடிகருமான ரா.  சங்கரன் அவர்கள் இன்று காலை மரணம் அடைந்துள்ளார். வயது முதுமையின் காரணமாக மரணம் அடைந்த அவருக்கு பிரபலங்களும், ரசிகர்களும் தங்களது ஆழ்ந்த இரங்கலை தெரிவித்து வருகின்றனர்.