தமிழ் சினிமாவில் கடந்த 1980களில் நட்சத்திர நடிகராக வலம் வந்தவர் மோகன். பெரும்பாலான படங்களில் அவர் மைக் பிடித்து பாடும் பாடகராக நடித்ததால் இவரை ரசிகர்கள் மைக் மோகன் என்றே அழைத்தனர். அவர் நடித்த படங்கள் எல்லாமே வெள்ளி விழா படங்களாக வெற்றி பெற்றன. நடிகர் கமல்ஹாசனை போல நடிகர் மோகனுக்கும் பெண் ரசிகைகள் மிகவும் அதிகம்.
சமீபத்தில் நேர்காணல் ஒன்றில் பங்கேற்று பேசிய நடிகர் மைக் மோகன் கூறியதாவது, பல ஆண்டுகளுக்கு முன்பு ரசிகை ஒருவரை நான் சந்தித்தேன். அப்போது டக்கென்று அவங்க தாலியை எடுத்து காமிச்சாங்க. அவங்க தாலி லாக்கெட்டில் என் புகைப்படம் இருந்தது. கிட்டத்தட்ட 30 வருஷமா என்னை பிடிக்கும் என்று அவங்க தாலியில் என்னோட புகைப்படத்தை வைத்து இருந்திருக்காங்க அந்த அம்மா. உண்மையை சொல்லனும்னா இதை ஒத்துக்கிட்டதுக்கு அந்த அம்மாவின் கணவர் காலை தொட்டு கும்பிடணும் நான் என்று நடிகர் மோகன் நெகிழ்ச்சியாக கூறியிருக்கிறார்.