தங்க மகளின் நீண்ட நாள் கனவை நிறைவேற்றிய நடிகர் கொட்டாச்சி.. வைரலாகும் வீடியோ..!!

நடிகர் கொட்டாச்சி பிரபல காமெடி நடிகரான விவேக் மூலம் திரையுலகில் அறிமுகமானார். இவர் நடித்த படங்களில் இடம்பெற்றுள்ள காமெடி காட்சிகள் மக்களுடைய நல்ல வரவேற்பை பெறும். தற்போது சினிமா வாய்ப்பு இல்லாமல் கொட்டாச்சி தவித்து வருகிறார்.

அதே நேரம் அவரது மகள் மானஸ்வி குழந்தை நட்சத்திரமாக பல முன்னணி நடிகர்களுடன் இணைந்து நடித்துள்ளார். முதலில் நயன்தாரா நடிப்பில் வெளியான இமைக்கா நொடிகள் திரைப்படத்தில் மானஸ்வி குழந்தை நட்சத்திரமாக அறிமுகமானார். இதன் மூலம் அவருக்கு மக்களிடைய நல்ல வரவேற்பு பெற்றது.

பின்னர் தர்பார், சித்திரை செவ்வானம், மாமனிதன், டிடி ரிட்டன்ஸ், சந்திரமுகி 2 உள்ளிட்ட ஏராளமான படங்களில் மானஸ்வி நடித்துள்ளார். கடந்த 2 நாட்களுக்கு முன்பு மானஸ்விக்கு பிறந்தநாள். அதனை கொண்டாடும் விதமாக கொட்டாச்சி தனது மகள் ஆசைப்பட்ட ஒரு காரை வாங்கி கொடுத்துள்ளார். மானஸ்விக்கு சொந்தமாக கார் வாங்க வேண்டும் என்ற ஆசை இருந்தது.

இதனை அடிக்கடி தனது தந்தையிடம் கூறி வந்துள்ளார். அதனை நிறைவேற்றும் விதமாக கொட்டாச்சி தனது மகளுக்கு ஆசையாக கார் வாங்கிக் கொடுத்துள்ளார். இது குறித்த வீடியோ சமூக வலைதளத்தில் வைரலானது. கொட்டாச்சி தனது மகளுக்கு கியா நிறுவனத்தின் சோனட் காரை வாங்கி கொடுத்துள்ளார். அந்த காரின் விலை 13 லட்ச ரூபாய் இருக்கும் என கூறப்படுகிறது.