CINEMA
17 வருடங்களுக்கு பிறகு உருவாகும் ஜில்லுனு ஒரு காதல்- 2.. சூர்யா கதாபாத்திரத்தில் நடிக்க போகும் ரைசிங் ஸ்டார்..
சூர்யா-ஜோதிகா நடிப்பில் கடந்த 2006 ஆம் ஆண்டு வெளிவந்த சூப்பர் ஹிட் கொடுத்த ஜில்லுனு ஒரு காதல் திரைப்படத்தின் இரண்டாவது பாகத்தில் சூர்யா கதாபாத்திரத்தில் நடிகர் கவின் நடிக்க உள்ளதாக தகவல் வெளியாகி உள்ளது. தமிழ் சினிமாவில் வளர்ந்து வரும் நடிகர்களின் ஒருவராக இருப்பவர் நடிகர் கவின். தொடர்ந்து ஸ்டார் திரைப்படத்தின் வெற்றிக்குப் பிறகு கைவசம் நான்கு படங்களை வைத்து இருக்கின்றார்.
நெல்சன் தயாரிப்பில் ப்ளடி பகர் என்ற திரைப்படத்தில் நடித்து முடித்துள்ள நிலையில் அதைத்தொடர்ந்து நடன இயக்குனர் சதீஷ் இயக்கத்தில் ஒரு திரைப்படத்திலும் நடித்திருக்கின்றார். பின்னர் வெற்றிமாறன் தயாரிப்பில் நடிகை ஆண்ட்ரியாவுடன் இணைந்து ஒரு திரைப்படத்தில் கமிட்டாகி இருக்கின்றார் கவின்.
அது மட்டும் இல்லாமல் லோகேஷ் கனகராஜ் உதவி இயக்குனரான விஷ்ணு இடவன் இயக்கத்தில் புதிய திரைப்படத்தில் நயன்தாராவுக்கு ஜோடியாக கவின் நடிக்கின்றார். இப்படி தொடர்ந்து சினிமாவில் பிஸியாக வலம் வரும் கவின் தற்போது ஜில்லுனு ஒரு காதல் படத்தின் இரண்டாவது பாகத்தில் நடிக்க உள்ளதாக தகவல் வெளியாகி உள்ளது.
கடந்த 2006 ஆம் ஆண்டு சூர்யா-ஜோதிகா நடிப்பில் வெளியான திரைப்படம் ஜில்லுனு ஒரு காதல். இந்த படத்தை ஓபெல்லி என் கிருஷ்ணா இயக்கியிருந்தார். இப்படம் இன்று வரையில் பலரின் பேவரிட் படங்களில் ஒன்றாக இருக்கின்றது. இந்த படத்திற்கு பிறகு தான் சூர்யாவும் ஜோதிகாவும் திருமணம் செய்து கொண்டார்கள். அப்போது பல ரசிகர்களின் கனவு கண்ணனாக சாக்லேட் பாயாக இருந்தவர் சூர்யா.
இப்படத்தில் இடம்பெற்ற அனைத்து பாடல்களும் சூப்பர் டூப்பர் ஹிட்டுக் கொடுத்தது. இந்த திரைப்படத்தின் இரண்டாவது பாகத்தை பிரபல தயாரிப்பு நிறுவனமான ப்ரெண்ட்ஸ் பிக்சர்ஸ் நிறுவனம் தயாரிக்க உள்ளதாக நேற்று அதிகாரப்பூர்வ தகவல் வெளியானது. இந்த படத்தில் எந்தெந்த நடிகர்கள் நடிக்கப் போகிறார்கள் குறித்த தகவல் எதுவும் வெளியாகவில்லை.
ஆனால் இப்படத்தில் இரண்டாவது பாகத்தில் நடிகர் கவினை ஹீரோவாக களம் இறக்க முடிவு செய்துள்ளதாகவும் இதற்கான பேச்சுவார்த்தை நடைபெற்று வருவதாக தகவல் வெளியாகியுள்ளது. மேலும் இந்த திரைப்படத்தில் நடிக்கும் மற்ற நடிகர் மற்றும் நடிகைகளின் அப்டேட் விரைவில் வெளியாகும் என்று எதிர்பார்க்கப்படுகிறது.
