சினிமா நடிகர் கவுண்டமணி, நடிகர் விஜய்யின் ‘தமிழக வெற்றிக் கழகம்’ கட்சியில் இணைந்ததாக சமூக வலைத்தளங்களில் பரவி வந்த புகைப்படம் போலியானது எனத் தெரியவந்துள்ளது. நடிகர் கவுண்டமணி, விஜய்யின் கட்சியில் இணைந்ததாகவும், “விஜய் தம்பிக்காகத்தான் இந்த முடிவை எடுத்தேன்” என்று அவர் கூறியதாகவும் ஒரு புகைப்படம் சமூக வலைத்தளங்களில் பகிரப்பட்டது.
இந்நிலையில் இது எடிட்டிங்க் செய்யப்பட்ட போட்டோ என்பது கண்டுபிடிக்கப்பட்டுள்ளது. அசல் புகைப்படத்தில், விஜய் முன்னாள் அதிமுக அமைச்சர் செங்கோட்டையனுக்கு சால்வை அணிவிக்கும் காட்சி இடம்பெற்றிருந்தது. செங்கோட்டையன் முகத்திற்குப் பதிலாக, எடிட்டிங் மூலம் கவுண்டமணியின் முகத்தைச் சேர்த்து இந்த வதந்தியைப் பரப்பியுள்ளனர்.