இப்படி நடப்பது அரிதான விஷயம்.. திடீரென நித்யா மேனனை குறிப்பிட்டு நடிகர் தனுஷ் போட்ட பதிவு..!!

தமிழ் சினிமாவின் முன்னணி நடிகரான தனுஷ் இயக்கி நடித்த ராயன் திரைப்படம் கடந்த சில நாட்களுக்கு முன்பு ரிலீஸ் ஆகி திரையரங்குகளில் வெற்றிகரமாக ஓடிக் கொண்டிருக்கிறது. கடந்த 2022-ஆம் ஆண்டு இயக்குனர் மித்ரன் ஜவகர் இயக்கத்தில் தனுஷ் நடிப்பில் திருசிற்றம்பலம் படம் ரிலீஸ் ஆனது. இந்த படத்தில் தனுஷுக்கு ஜோடியாக நித்யா மேனன் நடித்துள்ளார்.

அது மட்டும் இல்லாமல் ராசி கண்ணா, பிரியா பவானி சங்கர், பிரகாஷ்ராஜ், பாரதிராஜா ஆகியோர் முக்கிய கதாபாத்திரத்தில் நடித்துள்ளனர். இந்த படத்தை சன் பிக்சர்ஸ் நிறுவனம் தயாரித்தது. திருச்சிற்றம்பலம் படத்திற்கு அனிருத் ரவிச்சந்திரன் இசையமைத்தார். இந்த படம் சூப்பர் ஹிட் ஆகி ரசிகர்கள் மனதில் நீங்காத இடம் பிடித்துள்ளது.

பிரபல மலையாள நடிகையான நித்யா மேனன் ஓகே கண்மணி, மெர்சல், சைக்கோ உள்ளிட்ட படங்களில் நடித்து பிரபலமானவர். திருசிற்றம்பலம் படத்தில் நித்தியாமேனனின் ஷோபனா கதாபாத்திரம் மக்கள் மனதில் நீங்காத இடம் பிடித்தது. இந்த நிலையில் ஃபிலிம் ஃபேர் விருது விழாவில் திருச்சிற்றம்பலம் படத்தின் சிறந்த நடிகர் மற்றும் நடிகைக்கான விருது வழங்கப்பட்டுள்ளது.

அந்த விருதை நடிகர் தனுஷ் தனது இன்ஸ்டாகிராம் பக்கத்தில் பதிவிட்டுள்ளார். மேலும் ஒரு படத்திற்காக ஹீரோவும் ஹீரோயினும் சேர்ந்து ஒரே நேரத்தில் சிறந்த நடிகர் மற்றும் நடிகைக்கான விருதை வாங்குவது என்பது மிகவும் அரிதான விஷயம். திருவும் சோபனாவும் ரொம்ப ஸ்பெஷல். திருவை அழகாக காட்டியதற்கு நன்றி ஷோபனா என பதிவிட்டுள்ளார். அந்த பதிவு சமூக வலைதளத்தில் வேகமாக பரவி வருகிறது.