இட்லி கடை படத்துக்கு பிறகு நடிகர் தனுஷ் நடித்த படம் கர. இந்த படத்தை போர்த்தொழில் பட இயக்குனர் விக்னேஷ் ராஜா டைரக்ட் செய்திருக்கிறார். இதையடுத்து இயக்குனர் ராஜ்குமார் பெரியசாமி இயக்கத்தில் தற்போது ஒரு படத்தில் தனுஷ் நடித்து வருகிறார். அடுத்து லப்பர் பந்து பட இயக்குனர் தமிழரசன் பச்சமுத்து இயக்கத்தில் ஒரு படத்தில் தனுஷ் நடிக்கிறார். இந்த படம் முழுக்க முழுக்க மதுரை கதைக்களத்தில் உருவாக உள்ளது.
அதன்பிறகு இயக்குனர் எச் வினோத் இயக்கத்திலும் ஒரு படத்தில் தனுஷ் நடிக்கிறார். அது அடுத்த ஆண்டு மார்ச் மாதம் ஷூட்டிங் துவங்க உள்ளது. இப்போது தமிழரசன் பச்சமுத்து படத்தில் நடித்த பிறகு நடிகர் தனுஷ், இயக்குனர் மாரி செல்வராஜ் இயக்கும் படத்தில் நடிக்க உள்ளார். இந்த படத்தின் ஷூட்டிங் வருகிற ஆகஸ்ட் அல்லது செப்டம்பர் மாதம் துவங்க திட்டமிடப்பட்டுள்ளது.
இந்த படத்தில் நடிகர் தனுஷ் கெட்டப் சேஞ்ச் செய்து நடிக்க இருக்கிறார். மேலும் வழக்கமாக ஒரு படத்தில் நடிக்க 3 மாதங்கள் மட்டுமே கால்ஷீட் ஒதுக்கும் நடிகர் தனுஷ் இந்த படத்துக்கு 6 மாதங்கள் கால்ஷீட் தந்திருக்கிறார். இதற்கு காரணம் இது ஒரு வரலாற்று பின்னணி படம் என்பதாகும். மேலும் ஏற்கனவே கர்ணன் படத்தில் மாரி செல்வராஜ் இயக்கத்தில் தனுஷ் நடித்திருக்கிறார்.