சினிமாவில் புகழின் உச்சத்தில் இருந்த போதே நடிப்பை நிறுத்திவிட்டு மதம் மாறி போதகர் ஆன பிரபல நடிகர்..

தமிழ் சினிமாவில் 60 கள் மற்றும் 70 களில் மினிமம் கியாரண்டி நடிகராக இருந்தவர் ஏவிஎம் ராஜன். புதுக்கோட்டையை பூர்விகமாக கொண்ட அவரின் இயற்பெயர் சண்முகசுந்தரம். இவரது பெற்றோர் அவரை போலீஸாக்க வேண்டுமென்ற ஆசையில் சென்னையில் பரீட்சை எழுத அனுப்பியுள்ளனர். ஆனால் அந்த தேர்வில் அவர் தேர்ச்சி பெறவில்லை. அதன் பிறகு சென்னை ஆளுநர் மாளிகையில் வேலைக்கு சேர்ந்துள்ளார்.

ஆனால் சினிமாவில் நடிக்க வேண்டும் என்ற ஆசையில் வாய்ப்புகளை தேடி அலைந்துள்ளார். அப்போதுதான் இயக்குனர் கே.சங்கர் இயக்கத்தில் 1959ல் சிவகங்கை சீமை படத்தில் நடித்தார். ஆனால் படம் எடிட் செய்யப்பட்ட போது அவர்  நடித்தக் காட்சிகளைக் கட் செய்துள்ளனர்.

அவருக்கு ஆயிரங்காலத்துப் பயிர் என்ற படத்தில் நடிக்க வாய்ப்பு கிடைத்தது. தொடர்ந்து நானும் ஒரு பெண் படத்தில் நடித்தார். ஏவிஎம் தயாரித்த அந்தப் படம் ரசிகர்கள் மத்தியில் பலத்த வரவேற்பைப் பெற்றது. அவருக்கு திருப்புமுனையாக அமைந்த படம் 1967ல் வெளியான கற்பூரம் திரைப்படம்தான். இந்த படத்துக்காக சிறந்த நடிகருக்கான மாநில விருது கிடைத்தது.

அவர் நடிப்பில் வெளியான ஆயிரம் காலத்து பயிர், பார்மகளே பார், துளசி மாடம், சித்ராங்கி, பச்சை விளக்கு, தெய்வம், ஆண்டவன் கட்டளை, நம்ம வீட்டு லட்சுமி, வீர அபிமன்யு, மேஜர் சந்திரகாந்த், கொடிமலர் போன்ற படங்கள் குறிப்பிடத்தகுந்த படங்களாக அமைந்தன.

அதன் பின்னர் பல படங்களில் நடித்தார். அதில் அவர் நடித்த பக்தி படங்கள் இன்றளவும் பெயர் சொல்லும் படங்களாக அமைந்துள்ளன. சிவாஜியை போல அதீத நடிப்பைக் கொடுத்த கத்தி கத்தி பேசி நடித்து தனி முத்திரையைப் பதித்தார். சினிமாவில் நல்ல நிலையில் இருந்த போதே ஏவிஎம்.ராஜன் மதம் மாறி முழுநேர கிறிஸ்தவ போதகரானார். அதன் பின்னர் சினிமாவில் நடிப்பதையும் நிறுத்தினார். அன்று முதல் இன்றுவரை தீவிரமாக கிறிஸ்துவ மத போதகராக இருந்து பிரச்சாரம் செய்து வருகிறார்.