“சூர்யா 45” படத்திலிருந்து ஏ.ஆர்.ரஹ்மான் விலகியதற்கான காரணம்.. வெளிவந்த உண்மை..!

தமிழ் சினிமாவின் முன்னணி நடிகராக திகழும் சூர்யா நடிப்பில் பிரம்மாண்டமாக உருவான கங்குவா திரைப்படம் வெளியாகி எதிர்பார்த்த வரவேற்பை பெறாமல் போனது. இதனைத் தொடர்ந்து கார்த்திக் சுப்புராஜ் படத்தில் நடித்து முடித்த நடிகர் சூர்யா தற்போது தன்னுடைய 45 ஆவது படத்தில் நடித்து வருகின்றார். ஆர் ஜே பாலாஜி படத்தை இயக்கும் நிலையில் கோவை மாவட்டம் ஆனைமலை மாசாணியம்மன் கோவிலில் இப்படத்திற்கான பூஜை சமீபத்தில் நடத்தப்பட்டு அதே பகுதியில் படப்பிடிப்பும் தொடங்கியது. இந்த படத்திற்கு இசையமைப்பாளர் ஏ ஆர் ரகுமான் இசையமைக்கிறார் என்று படக்குழு அதிகாரப்பூர்வமாக ஏற்கனவே அறிவித்திருந்தது. இதற்கு அவரும் சம்மதம் தெரிவித்ததாக பல நேர்காணலில் இயக்குனர் ஆர் ஜே பாலாஜி தெரிவித்திருந்தார். ஆனால் திடீர் திருப்பமாக சூர்யா  45 படத்தில் இருந்து ஏ ஆர் ரகுமான் விலகி உள்ளதாக தகவல் வெளியானது.

அதனை உறுதிப்படுத்தும் வகையில் படத்தின் ஒளிப்பதிவாளரை பட குழு அறிவித்தபோது அந்த போஸ்டரில் ஏக ஆர் ரகுமான் பெயர் இடம்பெறவில்லை. இருந்தாலும் எந்த ஒரு அதிகாரப்பூர்வ தகவலும் வராத நிலையில் ரசிகர்கள் குழப்பத்தில் உள்ளனர். இப்படியான நிலையில் ஏ ஆர் ரகுமான் படத்தில் இருந்து விலகி இருப்பதை பட குழு ஏறக்குறைய உறுதி செய்துள்ளது. சூர்யா 45 படத்தின் புதிய இசையமைப்பாளர் குறித்த அறிவிப்பை வெளியிட்டுள்ளனர். அதன்படி ஆர் ஜே பாலாஜி இயக்கத்தில் சூர்யா நடிக்கும் சூர்யா 45 படத்தின் இசை அமைப்பாளர் இளசுகளின் நியூ சென்சேஷன் சாய் அபயங்கர் தான்.

கட்சி சேர பாடல் மூலம் பட்டி தொட்டி எல்லாம் பிரபலமான இவர் லோகேஷ் கனகராஜ் தயாரிப்பில் லாரன்ஸ் நடிக்கும் LCU படமான பென்ஸ் மூலம் இசையமைப்பாளராக தமிழ் திரை உலகிற்கு அறிமுகமாகியுள்ள நிலையில் அடுத்து சூர்யா படத்திற்கு இசையமைக்க உள்ளார். இப்படியான நிலையில் சூர்யா 45 படத்திலிருந்து ஏ ஆர் ரகுமான் விலகியதற்கான காரணம் என்ன என்பது குறித்த தகவலும் வெளியாகி உள்ளது. ஏ ஆர் ரகுமான் ஒரு வருடம் சினிமாவில் இருந்து ஓய்வு எடுக்கப் போவதாக தகவல் வெளியான நிலையில் அதற்கு அவருடைய மகள் மறுப்பு தெரிவித்து இருந்தார்.

இப்படியான நிலையில் ஏ ஆர் ரகுமான் விரைவில் ரிலீசாக உள்ள படங்களுக்கு முதலில் இசையமைத்துவிட்டு அதன் பிறகு தாமதமாக ரிலீஸ் ஆக உள்ள படங்களுக்கு இசையமைக்க திட்டமிட்டுள்ளார். சூர்யா 45 திரைப்படம் அடுத்த வருடம் செப்டம்பர் மாதம் வெளியாக உள்ள காரணத்தால் அதற்கு முன்னதாக ரிலீசாக உள்ள படங்களுக்கு இசையமைக்க ஏ ஆர் ரகுமான் திட்டமிட்ட நிலையில் படக்குழு அவரை ஒரேயடியாக தூக்கிவிட்டு புதிய இசையமைப்பாளரை நியமித்துள்ளது.