இந்தியக் கிரிக்கெட் வீரர் அபிஷேக் சர்மா 2026 ஆசிய விளையாட்டுப் போட்டிகளுக்காக 6 பெரிய சூட்கேஸ்களுடன் பயணம் செய்யும் வீடியோ இணையத்தில் வைரலாகி வருகிறது. இவ்வளவு அதிகமான லக்கேஜ்களுடன் அவர் செல்வதைப் பார்த்த ரசிகர்கள் மற்றும் நெட்டிசன்கள், “எத்தனை வருஷத்துக்குப் போறீங்க?” என்றும் “அங்கே குடியேறப்போகிறீர்களா?” என்றும் சமூக வலைதளங்களில் கிண்டலாகக் கேட்டு கருத்துகளைப் பதிவிட்டு வருகின்றனர்.
ஆசிய விளையாட்டுப் போட்டிகளில் பங்கேற்கும் இந்திய அணியில் இடம்பிடித்துள்ள அபிஷேக் சர்மா, விமான நிலையத்திற்குத் தனது ஆறு பெரிய பைகளுடன் வந்து இறங்கும் காட்சிகள் இந்த வீடியோவில் பதிவாகியுள்ளன. விளையாட்டு உபகரணங்கள் மற்றும் தனிப்பட்ட உடமைகள் என அனைத்தையும் அவர் தனியாகவே இவ்வளவு பெட்டிகளில் எடுத்துச் செல்வது ரசிகர்களின் கவனத்தை ஈர்த்து, இணையத்தில் பரபரப்பான உரையாடலாக மாறியுள்ளது.
https://www.instagram.com/reel/DdgSZRLPlbx/?utm_source=ig_web_button_share_sheet
இந்த வைரல் வீடியோவிற்குப் பலரும் தங்களது நகைச்சுவையான கருத்துகளைப் பகிர்ந்து வருகின்றனர். சிலர், “கிரிக்கெட் விளையாடப் போகிறாரா அல்லது அங்கேயே சொந்தமாக வீடு கட்டித் தங்கப்போகிறாரா?” என ஜாலியாகக் கேள்வி எழுப்பி வருகின்றனர். அதேசமயம், தொடர் போட்டிகள் மற்றும் பயிற்சிகளுக்குத் தேவையான உபகரணங்கள் அதிகமாக இருப்பதால் தான் அவர் இத்தனை பைகளை எடுத்துச் செல்கிறார் என அவரது ரசிகர்கள் அவருக்கு ஆதரவாகப் பதிவிட்டு வருகின்றனர்.