திமுக கூட்டணியில் உள்ள காங்கிரஸ், விசிக, கம்யூனிஸ்ட் மற்றும் இயுஎம்எல் ஆகிய கட்சிகள் தவெக-விற்கு ஆதரவு அளிப்பது குறித்து எடுக்கும் முடிவுகளில் திமுக தலையிட முடியாது என்று ஆதவ் அர்ஜுனா தெரிவித்துள்ளார். இந்தக் கட்சிகளுடனான பலமான கூட்டணியால் மட்டுமே திமுக கடந்த தேர்தலில் 59 தொகுதிகளில் வெற்றி பெற முடிந்தது என்றும் அவர் சுட்டிக்காட்டியுள்ளார். இந்த கூட்டணிக் கட்சிகளின் ஆதரவு மட்டும் இல்லாதிருந்தால், திமுகவால் 10 தொகுதிகளில் கூட வெற்றி பெற்றிருக்க முடியாது என்றும் அவர் அதிரடியாகக் குறிப்பிட்டுள்ளார்.
குறிப்பாக, திமுகவின் முக்கியத் தலைவர்களில் ஒருவரான உதயநிதி ஸ்டாலின் சேப்பாக்கம் தொகுதியில் படுத்தோல்வி அடைந்திருப்பார் என ஆதவ் அர்ஜுனா மிகக் கடுமையான விமர்சனத்தை முன்வைத்துள்ளார். உதயநிதியின் வெற்றிக்கு இந்தக் கூட்டணிக் கட்சிகள்தான் முழு முதற்காரணம் என்று அவர் பேசியுள்ளது அரசியல் வட்டாரத்தில் தற்பொழுது பெரும் புயலைக் கிளப்பியுள்ளது. தவெக-வின் இந்தத் துணிச்சலான கருத்து, திமுக மற்றும் அதன் கூட்டணிக் கட்சிகள் இடையே புதிய விவாதங்களையும் பரபரப்பையும் ஏற்படுத்தி வருகிறது.