BREAKING: விஜயை பின்தொடர்ந்ததால் விபத்தில் சிக்கி இளைஞரின் மண்டை உடைந்தது…!!

தஞ்சாவூர் மாவட்டம் செங்கிப்பட்டியில் நடைபெற்ற தவெக கட்சி நிர்வாகிகள் கூட்டத்தில் பங்கேற்கச் சென்ற தலைவர் விஜயைப் பார்ப்பதற்காக, திருச்சியில் இருந்து ஏராளமான தொண்டர்கள் இருசக்கர வாகனங்களில் அவரைப் பின்தொடர்ந்தனர். அப்போது, விஜய்யின் கார் அருகே செல்ல முயன்ற ஒரு இளைஞர், நிலைதடுமாறி கீழே விழுந்து பலத்த விபத்துக்குள்ளானார். இந்த கோர விபத்தில் அந்த இளைஞரின் மண்டை உடைந்து ரத்தம் கொட்டியதால், அங்கிருந்தவர்கள் அதிர்ச்சியடைந்தனர்.

உடனடியாகப் பாதுகாப்புப் பணியில் இருந்தவர்கள் மற்றும் சக தொண்டர்கள் அந்த இளைஞரை மீட்டு, சிகிச்சைக்காக அருகில் உள்ள மருத்துவமனைக்கு அனுப்பி வைத்தனர். தலைவரைப் பார்க்கும் ஆர்வத்தில் அதிவேகமாகச் சென்றதே இந்த விபத்திற்குக் காரணம் எனக் கூறப்படுகிறது. தவெக தலைவர் விஜய் பங்கேற்கும் நிகழ்வுகளில் இத்தகைய விபத்துக்கள் ஏற்படுவதைத் தவிர்க்க, தொண்டர்கள் மிகுந்த கவனத்துடனும் கட்டுப்பாட்டுடனும் செயல்பட வேண்டும் எனப் பாதுகாப்பு அதிகாரிகள் அறிவுறுத்தியுள்ளனர்.