ஐயோ கடவுளே… 40 அடி உயர பாலத்துல இருந்து… ஆட்டோ மேல பொத்தென விழுந்த இளைஞர்… நெஞ்சை பதறவைக்கும் CCTV காட்சி… குஜராத்தில் அதிர்ச்சி சம்பவம்…!

குஜராத் மாநிலம் சூரத்தில் 21 வயது இளைஞர் ஒருவர், ரயில்வே மேம்பாலத்திலிருந்து சுமார் 40 அடி உயரத்தில் இருந்து கீழே நின்றுகொண்டிருந்த ஆட்டோ ரிக்‌ஷா மீது விழுந்து அதிர்ஷ்டவசமாக உயிர் தப்பியுள்ளார். இந்த திடுக்கிடும் சம்பவம் அங்கிருந்த சிசிடிவி கேமராவில் பதிவாகி இணையத்தில் வைரலாகி வருகிறது. பாலத்தின் மேலிருந்து எதிர்பாராதவிதமாக விழுந்த அந்த இளைஞர், ஆட்டோவின் கூரை மீது மோதி கீழே விழுந்ததால் பெரும் அசம்பாவிதம் தவிர்க்கப்பட்டது.

இச்சம்பவம் குறித்து வழக்குப்பதிவு செய்து விசாரணை நடத்திய காவல் துறையினர், அந்த இளைஞர் ஆபத்தான முறையில் ஸ்டண்ட் செய்ய முயன்றபோதே தவறிக் கீழே விழுந்ததாகத் தெரிவித்தனர். மேலும், இளைஞர்களின் இதுபோன்ற பொறுப்பற்ற செயலால் உயிருக்கே ஆபத்து ஏற்படும் என்றும் அவர்கள் எச்சரித்துள்ளனர். இருப்பினும், சம்பவத்தின் தீவிரத்தைக் குறைக்கும் வகையில் அந்த இளைஞர் தன்னுடைய செயலுக்கு வேறு ஒரு காரணத்தைக் கூறியுள்ளார்.

காவல்துறையின் குற்றச்சாட்டை மறுத்த அந்த இளைஞர், தான் ஸ்டண்ட் எதுவும் செய்யவில்லை என்றும், வீட்டிற்குச் சீக்கிரம் செல்வதற்காக குறுக்கு வழியைப் பயன்படுத்த முயன்றபோதே நிலைதடுமாறி கீழே விழுந்துவிட்டதாகவும் தெரிவித்துள்ளார். ஆட்டோ மீது விழுந்ததால் லேசான காயங்களுடன் தப்பிய அவருக்கு மருத்துவமனையில் முதலுதவி சிகிச்சை அளிக்கப்பட்டுள்ளது. இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.