இந்தச் சம்பவம் தொடர்பாகக் காவல்துறையினர் தெரிவித்ததாவது, மஹிந்திரா தார் வாகனத்தில் சோதனை ஓட்டம் மேற்கொள்வதற்காகச் சென்ற சிலர், பயணத்தின்போது ரகளையில் ஈடுபட்டதாகக் கூறப்படுகிறது. இதனைத் தொடர்ந்து, அந்த வாகனத்தைச் சோதனையிட்டுப் பறிமுதல் செய்யப் போக்குவரத்துப் போலிஸார் முயன்றுள்ளனர்.
அப்போது, வாகனத்தை நிறுத்தாமல் ஓட்டுநர் தொடர்ந்து இயக்க முயன்றதாகத் தெரிகிறது. அந்தச் சமயத்தில், நகர்ந்து கொண்டிருந்த மஹிந்திரா தார் வாகனத்தின் ஓட்டுநர் பக்க ஜன்னல் கதவை ஒரு இளைஞர் பிடித்துக்கொண்டு, சிறிது தூரம் ஆபத்தான முறையில் தொங்கியபடியே சென்றுள்ளார்.
இச்சம்பவம் தொடர்பான திடுக்கிடும் காணொளித் தொகுப்பு சமூக ஊடகங்களில் பரவி வைரலாகி வருகிறது. இச்சம்பவம் குறித்து காவல்துறையினர் தொடர்ந்து விசாரணை நடத்தி வருகின்றனர்.