“நெருங்கி வந்த அப்பா…” கத்தி கூச்சலிட்ட மகள்…. அநியாயத்தை கண்டு கணவரையே கொன்ற மனைவி… குலை நடுங்க வைக்கும் பயங்கர சம்பவம்…!!

தெலங்கானா மாநிலத் தலைநகர் ஐதராபாத்தில் உள்ள அல்வால் கோபால்நகர் பகுதியில், பெற்ற மகளையே பாலியல் வன்கொடுமை செய்ய முயன்ற பெற்ற தந்தையைக் கொடூரமாகக் கொன்ற சம்பவம் பெரும் பரபரப்பையும் அதிர்ச்சியையும் ஏற்படுத்தியுள்ளது.

கோபால்நகரில் வசித்து வரும் தம்பதியருக்கு இரண்டு பிள்ளைகள் உள்ளனர். இந்நிலையில், கடந்த ஞாயிற்றுக்கிழமை நள்ளிரவில் அந்த நபர், தனக்கு பிறந்த சொந்த மகளையே பாலியல் ரீதியாக அத்துமீறிச் சீண்ட முயன்றுள்ளார். இதனால் அதிர்ச்சியடைந்த அந்த இளம் பெண் சத்தமிட்டு அலறியுள்ளார். மகளின் அலறல் சத்தம் கேட்டு ஓடிவந்த தாய், கணவனின் கொடூரச் செயலைக் கண்டு அதிர்ச்சியடைந்து உடனடியாக அவரைத் தடுத்து நிறுத்தியுள்ளார்.

பெற்ற மகள் என்றும் பாராமல் காமகொடூரனாக மாறிய கணவனின் செயலைத் தாங்க முடியாமல் ஆத்திரமடைந்த மனைவி, தனது இரண்டு பிள்ளைகளுடன் சேர்ந்து சேலையால் கணவனின் கழுத்தை இறுக்கிக் கொடூரமாகக் கொலை செய்தார். இச்சம்பவம் குறித்து வழக்குப் பதிவு செய்துள்ள போலிஸார் தீவிர விசாரணை நடத்தி வருகின்றனர்.