பீகார் மாநிலத்தைச் சேர்ந்த பிபிஎஸ்சி (BPSC) ஆசிரியை குஞ்சன் குமாரியின் கணவர், தனது குடும்பம் சீரழிவதற்குக் குஞ்சனின் தாய்மாமன்தான் முக்கியக் காரணம் எனக் குற்றம் சாட்டியுள்ளது பெரும் பரபரப்பை ஏற்படுத்தியுள்ளது. குஞ்சனின் கணவர் ஊடகங்களிடம் பேசுகையில், தனது மனைவி குஞ்சனை அவரது தாய்மாமன் அடிக்கடி தூண்டிவிட்டு வந்ததாகக் குறிப்பிட்டுள்ளார். “உன் கணவர் உன்னை விட 20 வயது மூத்தவர், பார்ப்பதற்கு வயதானவர் போலத் தோற்றமளிக்கிறார்” என்று கூறி, குஞ்சனின் மனதில் தனது கணவர் மீதான வெறுப்பை அவரது மாமனே விதைத்து, தங்களின் குடும்ப வாழ்க்கையை உடைத்துள்ளதாக அவர் வேதனையுடன் தெரிவித்துள்ளார்.
இந்த விவகாரம் தற்போது நீதிமன்றப் படி ஏறியுள்ள நிலையில், வழக்கை விசாரித்து வரும் அதிகாரிகள் குஞ்சன் மற்றும் அவரது கள்ளக்காதலனின் வங்கி கணக்கு விவரங்கள் மற்றும் மொபைல் அழைப்பு விவரங்களை முழுமையாகச் சேகரித்துள்ளனர். குஞ்சனுக்கும் அவரது காதலனுக்கும் இடையே இருந்தது வெறும் உடல் ரீதியான தொடர்பு மட்டும்தானா அல்லது பணப் பரிவர்த்தனைகளும் ஏதேனும் நடந்துள்ளதா என்ற கோணத்தில் தீவிர விசாரணை நடத்தப்பட்டு வருகிறது. இந்த ஆதாரங்கள் அனைத்தும் நீதிமன்றத்தில் சமர்ப்பிக்கப்பட உள்ளதால், அடுத்த விசாரணையின் போது தம்பதியிடையே ஏற்பட்ட இந்த மோதலின் பின்னணியில் உள்ள அத்தனை உண்மைகளும் முழுமையாக வெளிச்சத்திற்கு வரும் என எதிர்பார்க்கப்படுகிறது.