காட்டிலிருந்து ஒரு புலி வேகமாக ஓடிவந்து தன் பராமரிப்பாளரைக் கட்டிப்பிடித்து அன்பை வெளிப்படுத்துவது போன்ற இன்ஸ்டாகிராம் வீடியோ இணையத்தில் வைரலாகி கோடிக்கணக்கான பார்வைகளைப் பெற்று வருகிறது. லினேசியா யுஎஸ்ஏ (@lenasiausai) என்ற கணக்கில் பகிரப்பட்ட இந்த வீடியோவை 5.7 கோடிக்கும் அதிகமானோர் பார்த்துள்ளனர். வீடியோவில் ஒரு நபர் புலியின் பெயரைச் சொல்லி அழைத்ததும், அது ஓடிவந்து அவர் மீது பாய்ந்து கட்டிப்பிடித்து, முத்தமிட்டு அன்பை பொழிவது போலக் காட்டப்பட்டுள்ளது, இது பலரையும் நெகிழ வைத்துள்ளது.
https://www.instagram.com/reel/DZnTWZns4kM/?utm_source=ig_web_copy_link&igsh=NTc4MTIwNjQ2YQ==
இருப்பினும், இந்த வீடியோ முற்றிலும் உண்மையானது அல்ல, இது செயற்கை நுண்ணறிவு (AI) தொழில்நுட்பம் மூலம் உருவாக்கப்பட்ட ஒரு போலி வீடியோ ஆகும். சுமார் 150 முதல் 300 கிலோ எடையுள்ள ஒரு புலி திடீரென மனிதன் மீது பாய்ந்தால் அந்த நபர் கீழே விழுந்துவிடுவார், ஆனால் வீடியோவில் அவர் அசையாமல் நிற்கிறார். மேலும், புலியின் ஓட்ட அசைவுகள் இயற்கையாக இல்லை என்றும், புலியின் நாக்கு மிகவும் சொரசொரப்பாக இருப்பதால் அது நக்கினால் மனித தோலில் காயம் ஏற்படும் என்றும் நெட்டிசன்கள் இதன் உண்மைத்தன்மையைக் கண்டறிந்து சுட்டிக்காட்டியுள்ளனர்.