திக் திக் சம்பவம்… என் கூட கொஞ்சம் வாடி… கெஞ்சிய அண்டை வீட்டார்… ஹோட்டல் அறையில் கத்தி முனையில் நடந்த பயங்கரம்… பீகாரில் அரங்கேறிய கொடூரம்…!

பீகார் மாநிலம் பெகுசராய் பகுதியில் உள்ள NH31 சாலையில் அமைந்துள்ள ப்ளூ டைமண்ட் ஹோட்டலில் அதிர்ச்சியூட்டும் வகுகையில் ஒரு வன்கொடுமை சம்பவம் அரங்கேறியுள்ளது. அப்பகுதியைச் சேர்ந்த பெண் ஒருவரை, அண்டை வீட்டுக்காரரான விக்ரம் சாஹ்னி என்பவர் தன் மோட்டார் சைக்கிளில் அமருமாறு வற்புறுத்திக் கெஞ்சிக் கேட்டுள்ளார். இதை நம்பி அவருடன் சென்ற அந்தப் பெண்ணை, ரோஹித் குமார் சாஹ்னி என்பவன் காத்துக்கொண்டிருந்த குறிப்பிட்ட அந்த ஹோட்டலுக்கு விக்ரம் கூட்டிச் சென்றுள்ளார். அங்கு வைத்து அந்தப் பெண் கடுமையான தாக்குதலுக்கும் கொடூரமான பாலியல் வன்கொடுமைக்கும் ஆளாக்கப்பட்டுள்ளார்.

ஹோட்டல் அறைக்குள் நுழைந்தவுடன் ரோஹித் குமார் சாஹ்னி அப்பெண்ணைத் தகாத வார்த்தைகளால் திட்டித் தீர்த்துள்ளார். மேலும், அப்பெண்ணின் தலைமுடியைப் பலமாகப் பிடித்து செருப்பால் தாக்கியதுடன், கத்தியைக் காட்டி மிரட்டி அவளைக் கற்பழித்துள்ளார். குற்றவாளிகள் இருவரும் சேர்ந்து அரங்கேற்றிய இந்த மனிதாபிமானமற்ற வெறிச்செயல் அப்பகுதியில் பெரும் அதிர்ச்சியையும் கொந்தளிப்பையும் ஏற்படுத்தியுள்ளது. பாதுகாப்பற்ற முறையில் தனிநபர்களை நம்பிச் செல்லும் அப்பாவிகள் மீது நடத்தப்படும் இதுபோன்ற வன்முறைகள் பொதுமக்களை அச்சத்தில் ஆழ்த்தியுள்ளன.

https://twitter.com/sanjoychakra/status/2116168171329904844/video/1

இந்தச் சம்பவம் குறித்து பாதிக்கப்பட்ட பெண் அளித்த புகாரின் அடிப்படையில், ரோஹித் குமார் சாஹ்னி மற்றும் விக்ரம் சாஹ்னி மீது பகவான்பூர் காவல் நிலையத்தில் முதல் தகவல் அறிக்கை பதிவு செய்யப்பட்டுள்ளது. பகவான்பூர் காவல் நிலையப் பகுதியைச் சேர்ந்த ரோஹித் குமார் மற்றும் அவனுக்கு உடந்தையாக இருந்த விக்ரம் சாஹ்னியை காவல்துறையினர் தீவிரமாகத் தேடி வருகின்றனர். பெண்களுக்கு எதிரான அதிகரித்து வரும் இதுபோன்ற குற்றச் செயல்களில் ஈடுபடுபவர்கள் மீது கடுமையான சட்ட நடவடிக்கை எடுக்கப்பட வேண்டும் என்று சமூக ஆர்வலர்களும் பொதுமக்களும் கோரிக்கை விடுத்துள்ளனர்.