தொட்டிலில் தூங்கிக்கொண்டிருந்த குழந்தையை கவ்விச்சென்ற தெருநாய்… பெரும் அதிர்ச்சி சம்பவம்…!!

திருவாரூர் மாவட்டத்தை சேர்ந்த இளம்பெண்ணுக்கு, ஒன்றை வயதில் பச்சிளம் ஆண் குழந்தை உள்ளது. பச்சிளம் குழந்தையை தொட்டிலில் தூங்க வைத்துவிட்டு, வீட்டு வேலையை கவனித்துக் கொண்டிருந்தார். அங்கிருந்த தெருநாய் ஒன்று, வீட்டிற்குள் நுழைந்து தொட்டிலில் உறங்கிக் கொண்டிருந்த குழந்தையை கவ்வி சென்றது.

இதனை கவனித்த குழந்தையின் பாட்டி, தெருநாயை விரட்ட முயன்ற போது, அவரையும் நாய் கடித்தது. குழந்தையின் அழுகை சத்தம் கேட்டு சென்ற இளம்பெண், தெருநாய் அடித்து விரட்டியுள்ளார். மேலும் சில காயங்களுடன் தப்பித்த பச்சிளம் குழந்தையையும், பாட்டியையும், அரசு மருத்துவமனைக்கு அழைத்துச் சென்று, அங்கு அவர்களுக்கு சிகிச்சை மேற்கொள்ளப்பட்டு வருகிறது.