“கோவில் நிலம் எனக்கு தான்!”… முதிய பூசாரிகளுக்கு நேர்ந்த கோர முடிவு… ஜாமீனில் வந்ததும் வெறிச்செயல்… நடுங்க வைக்கும் பயங்கரம்…!!

உத்தரபிரதேச மாநிலம் ஷாஜஹான்பூர் மாவட்டத்தில் உள்ள ஒரு பழமையான சிவன் கோவிலில் இரண்டு முதிய பூசாரிகள் கொடூரமாக கொலை செய்யப்பட்டுள்ள சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. கோவிலின் அன்றாட பூஜைகள் மற்றும் பராமரிப்பு பணிகளை கவனித்து வந்த இவர்கள், கோவில் வளாகத்திலேயே மர்ம நபர்களால் தாக்கிக் கொல்லப்பட்டுள்ளனர்.

இந்த கொடூர தாக்குதலில் உயிரிழந்தவர்கள் கோபால் தாஸ் மற்றும் அவரது சீடரான பிஹாரி தாஸ் என அடையாளம் காணப்பட்டுள்ளனர். கொலையாளிகள் இந்த இருவரையும் கொலை செய்ததோடு மட்டுமின்றி, தடயங்களை மறைக்கும் நோக்கத்துடன் அவர்களின் உடல்களை கோவில் வளாகத்திலேயே கொடூரமாக தீயிட்டு கொளுத்தியுள்ளனர். வழக்கம்போல் தரிசனத்திற்காக கோவிலுக்கு வந்த உள்ளூர் கிராம மக்கள், பாதி எரிந்த நிலையில் உடல்கள் கிடப்பதைக் கண்டு உடனடியாக காவல்துறையினருக்கு தகவல் அளித்தனர்.

இந்த இரட்டை கொலை வழக்கு தொடர்பாக சுமித் சிங் என்ற உள்ளூர் நபரை காவல்துறையினர் சந்தேகத்தின் பேரில் கைது செய்து தீவிர விசாரணை நடத்தி வருகின்றனர். சமீபத்தில் சிறையிலிருந்து ஜாமீனில் வெளிவந்துள்ள இவர், கோவில் மற்றும் அதனைச் சுற்றியுள்ள நிலத்தை ஆக்கிரமிக்க முயன்றதாகவும், இது தொடர்பாக ஏற்பட்ட நிலத் தகராறு காரணமாகவே இந்த கொலை அரங்கேறியிருக்கலாம் என்றும் காவல் துறையினரின் முதற்கட்ட விசாரணையில் தெரியவந்துள்ளது.