கொடூரத்தின் உச்சம்..! மருத்துவமனை வளாகத்திலேயே பிரசவித்த கர்ப்பிணி பெண்… மருத்துவர்கள் சிகிச்சை அளிக்காததால் குழந்தை உயிரிழப்பு… அதிர்ச்சியூட்டும் வீடியோ வைரல்…!!

உத்தரப்பிரதேச மாநிலம் படௌனில்  உள்ள மாவட்ட மகளிர் மருத்துவமனையில் கர்ப்பிணி பெண்ணுக்கு நிகழ்ந்த  ஒரு துயரமான சம்பவம், அம்மாநில சுகாதார அமைப்பின் சீர்குலைவை வெளிச்சமிட்டுக் காட்டியுள்ளது. சவிதா என்ற கர்ப்பிணிக்கு பிரசவ வலி ஏற்பட்டபோது, அரசு வழங்க வேண்டிய 102 ஆம்புலன்ஸ் சேவை உரிய நேரத்தில் கிடைக்கவில்லை. இதனால் குடும்பத்தினர் அவரை ஒரு மின்சார ஆட்டோவில் மருத்துவமனைக்கு அழைத்துச் சென்றுள்ளனர். ஆனால், மருத்துவமனை வாசலை அடைந்த பிறகும் எந்தவொரு மருத்துவ ஊழியரோ அல்லது உதவியாளரோ உதவிக்கு வரவில்லை எனக் கூறப்படுகிறது.

இதன் காரணமாக, அந்தப் பெண் மருத்துவமனையின் நுழைவாயிலிலேயே பிரசவிக்கும் நிலைக்குத் தள்ளப்பட்டார். முறையான மருத்துவ உதவி கிடைக்காததால், பிறந்த குழந்தை பரிதாபமாக உயிரிழந்தது. இந்தச் சம்பவம் அந்தப் பகுதியில் பெரும் அதிர்ச்சியையும் ஆத்திரத்தையும் ஏற்படுத்தியுள்ளது. இச்சம்பவம் குறித்து விசாரணை நடத்தப்பட்டு வருவதாக உள்ளூர் செய்திகள் தெரிவிக்கின்றன