“‘உன் முகம் கேவலமா இருக்கு…” குழந்தை பிறந்த சில மாதங்களில் கொடூரம்…! கோடரியால் கொடூரமாக வெட்டிக் கொன்ற சுமை தூக்கும் தொழிலாளி… அதிர வைக்கும் பகீர் பின்னணி…!!

தூத்துக்குடி மாவட்டம் கோவில்பட்டியில் “உன் முகம் கேவலமாக இருக்கிறது” எனத் தொடர்ந்து உருவக் கேலி செய்த சக சுமை தூக்கும் தொழிலாளியைக் கோடரியால் கொடூரமாக வெட்டிக் கொன்றுவிட்டு நபர் ஒருவர் காவல் நிலையத்தில் சரணடைந்த சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது.

கோவில்பட்டி திட்டங்குளத்தில் உள்ள பெருந்தலைவர் காமராஜர் தினசரி சந்தையில் சுமை தூக்கும் தொழிலாளியாகப் பணியாற்றி வந்த காளிராஜ் (42) என்பவர், அதே சந்தையில் பணியாற்றி வந்த சின்னத்துரை (40) என்பவரைப் பார்க்கும் போதெல்லாம் “உன் முகம் கேவலமாக இருக்கு, பார்க்க முடியலை” எனக் கூறித் தொடர்ந்து உருவக் கேலி செய்து வந்துள்ளார். கடந்த அக்டோபர் 24 அன்று இருவருக்கும் இடையே ஏற்பட்ட தகராறில் காளிராஜ், சின்னத்துரையை மற்றவர்கள் முன்னிலையில் கேலி செய்து கீழே தள்ளித் தாக்கியதாகக் கூறப்படுகிறது.

இதனால் கடும் அவமானமும் ஆத்திரமும் அடைந்த சின்னத்துரை, அக்டோபர் 27 அதிகாலை காய்கறிக் கடையில் தூங்கிக் கொண்டிருந்த காளிராஜைக் கோடரியால் சரமாரியாக வெட்டிக் கொடூரமாகப் படுகொலை செய்தார். பின்னர் கொப்பம்பட்டி காவல் நிலையத்திற்குச் சென்று சரணடைந்தார். உயிரிழந்த காளிராஜுக்கு கடந்த சில மாதங்களுக்கு முன்புதான் இரட்டை ஆண் குழந்தைகள் பிறந்துள்ளது குறிப்பிடத்தக்கது. விளையாட்டாகத் தொடங்கிய உருவக் கேலி கொடூரக் கொலையில் முடிந்த இந்தச் சம்பவம் குறித்துத் தூத்துக்குடி மாவட்ட எஸ்பி சிவபிரசாத் தலைமையில் கோவில்பட்டி கிழக்கு போலீசார் தீவிர விசாரணை நடத்தி வருகின்றனர்.