கார் சார்ஜ் போடும் இடத்தில் நடந்த அசிங்கம்… பெண்ணின் கேமராவில் சிக்கிய பகீர் காட்சிகள்… அடுத்த நொடியே நடந்த ட்விஸ்ட்…!!

குருகிராமில் பெண் வாடகைக் கார் ஓட்டுநர் ஒருவரிடம் அத்துமீறி நடந்து கொண்ட நபரை காவல்துறையினர் கடந்த வியாழக்கிழமை கைது செய்துள்ளனர். தன் அருகில் வாகனத்தை நிறுத்தியிருந்த அந்த நபர், தனது கைப்பேசியில் ஆபாசக் காணொளியைப் பார்த்தவாறு அதன் திரையை வேண்டுமென்றே தன் பக்கம் திருப்பி பாலியல் ரீதியாகத் தொந்தரவு அளித்ததாகவும், தட்டிக் கேட்டபோது தகாத வார்த்தைகளால் பேசி தன்னைத் தாக்கியதாகவும் அப்பெண் அளித்த புகாரின் பேரில் இந்த அதிரடி நடவடிக்கை எடுக்கப்பட்டுள்ளது.

கடந்த புதன்கிழமை அன்று சுற்றுலா வாகன ஓட்டுநரான அந்தப் பெண் தனது காரை மின்னேற்றம் செய்வதற்காக நிறுத்தியிருந்தபோது இந்தச் சம்பவம் அரங்கேறியுள்ளது. அருகில் காரை நிறுத்தியிருந்த நபர் இந்த அருவருக்கத்தக்க செயலில் ஈடுபட்டதையும், தட்டிக் கேட்டபோது வன்முறையில் இறங்கியதையும் அப்பெண் தனது கைப்பேசியில் வீடியோவாகப் பதிவு செய்து சமூக வலைத்தளங்களில் பகிர்ந்துள்ளார். அந்த காணொளி இணையத்தில் வேகமாகப் பரவி வைரலானதை அடுத்து, டிஎல்எஃப் செக்டர்-29 காவல் நிலையத்தில் இது தொடர்பாக முறைப்படி வழக்குப் பதிவு செய்யப்பட்டது.

காவல்துறையினர் மேற்கொண்ட விசாரணையில், கைது செய்யப்பட்ட நபர் பீகார் மாநிலம் மதுபானி மாவட்டத்தைச் சேர்ந்த அர்ஜுன் கமாவத் என்பது உறுதி செய்யப்பட்டுள்ளது. இவர் தற்போது குருகிராமின் டிஎல்எஃப் ஃபேஸ்-3, நாதுபூர் பகுதியில் வசித்து வந்துள்ளார். குற்றம் சாட்டப்பட்டவரிடம் தொடர்ந்து தீவிர விசாரணை நடைபெற்று வருவதாகவும், இந்த விவகாரத்தில் சட்டப்படியான அனைத்து நடவடிக்கைகளும் பாரபட்சமின்றி எடுக்கப்படும் எனவும் குருகிராம் காவல்துறை செய்தித் தொடர்பாளர் தெரிவித்துள்ளார்.