அமெரிக்காவின் புளோரிடா மாகாணத்தைச் சேர்ந்த ‘விலங்கியல் வனவிலங்கு அறக்கட்டளையுடன்’ (Zoological Wildlife Foundation) தொடர்புடைய வனவிலங்கு பாதுகாவலரான மைக் ஹோல்ஸ்டன் (Mike Holston) தனது மூக்கு வழியாக பாம்பைச் செலுத்தி வாய் வழியாக வெளியே எடுக்கும் இந்த வீடியோ சமூக வலைதளங்களில் பெரும் அதிர்ச்சியை ஏற்படுத்தியுள்ளது. இந்தோனேசியாவின் ஜகார்த்தாவில் படமாக்கப்பட்ட இந்த வீடியோவில், மைக் ஒரு உயிருள்ள மெல்லிய பாம்பின் தலைப்பகுதியைத் தனது மூக்கின் ஒரு துவாரத்தில் நுழைத்து, தொண்டை வழியாக இழுத்து வாய் வழியாக வெளியே எடுக்கிறார்.
View this post on Instagram
இன்ஸ்டாகிராமில் பகிரப்பட்ட இந்த வீடியோ 5.8 மில்லியனுக்கும் அதிகமான பார்வைகளைப் பெற்றுள்ளது. இவரின் இந்தச் செயலைக் கண்ட நெட்டிசன்கள், “பாம்பு தொண்டையில் சிக்கியிருந்தால் என்னவாகியிருக்கும்?” எனப் பயத்துடனும் ஆச்சரியத்துடனும் கருத்து தெரிவித்து வருகின்றனர். இதுபோன்ற ஆபத்தான செயல்கள் உயிருக்கு உலை வைக்கும் என்பதால், நிபுணத்துவம் இன்றி எவரும் இதனை முயற்சி செய்ய வேண்டாம் என சமூக ஆர்வலர்கள் எச்சரிக்கின்றனர்