ஆயிரக்கணக்கான எறும்புகளை உயிரோடு தீயிட்டு எரிக்கும் அதிர்ச்சியூட்டும் வீடியோ ஒன்று சமூக வலைதளங்களில் வெளியாகி வைரலாகி வருகிறது. ஒரு நபர் எறும்புகளை ஒன்றாகச் சேகரித்து, அவற்றை ஒரு பாத்திரத்தில் போட்டு நேரடியாக நெருப்பில் வைத்து வாட்டுவதும், பின்னர் ஒரு கனமான பொருளைக் கொண்டு அவற்றை நசுக்குவதுமான காட்சிகள் அந்த வீடியோவில் இடம்பெற்றுள்ளன. இந்த கொடூரமான செயல் பார்ப்பவர்களை முகம் சுளிக்க வைப்பதோடு, பெரும் அதிர்ச்சியையும் ஏற்படுத்தியுள்ளது.
🚨 TIKTOK CREATOR GOES VIRAL FOR FILMING MASS ANT “MURDERS” IN THE WILDEST WAYS — AND PEOPLE CAN’T STOP WATCHING
She roasts them over open flames, fries them in a burning pan, sizzles them on a scorching brick, even holds a flaming bamboo torch over them… and every clip pulls… pic.twitter.com/cNYBB2wflU
— HustleBitch (@HustleBitch_) April 21, 2026
இந்த வீடியோவை பார்த்த இணையவாசிகள் தங்களது கடும் கண்டனங்களைத் தெரிவித்து வருகின்றனர். எறும்புகள் போன்ற சிறிய உயிரினங்களாக இருந்தாலும், அவற்றை இதுபோன்று திட்டமிட்டு சித்திரவதை செய்வது அப்பட்டமான விலங்கு வதை என்றும், இது வெறும் பொழுதுபோக்கு அல்ல, ஒருவிதமான மனநோய் என்றும் பலர் விமர்சித்துள்ளனர். வெறும் பார்வைகளைப் (Views) பெறுவதற்காக இத்தகைய வன்முறையான உள்ளடக்கங்களை உருவாக்குபவர்கள் மீது நடவடிக்கை எடுக்க வேண்டும் என்றும் சமூக வலைதளங்களில் கோரிக்கைகள் எழுந்துள்ளன.