அய்யோ போச்சே… பையில ரூ 3 லட்சம் பணம் இருந்துச்சே… பேருந்தில் கதறிய பயணி… அடுத்த நொடி நடந்த பரபரப்பு திருப்பம்… இணையத்தில் வீடியோ வைரல்…!

சாத்நகரைச் சேர்ந்த தெலங்கானா அரசுப் போக்குவரத்துக் கழகப் பேருந்து நடத்துனர் சரிதா, பயணி ஒருவர் தவறவிட்ட ரூ 3 லட்சம் ரொக்கப் பணத்தைப் பத்திரமாக ஒப்படைத்து அனைவரின் பாராட்டையும் பெற்றுள்ளார். சாத்நகரைச் சேர்ந்த தொழிலதிபர் ஜஹாங்கீர், ஹஜ் யாத்திரை செல்வதற்காகத் தன் மனைவியுடன் ஹைதராபாத்திற்குப் பேருந்தில் பயணம் செய்தார். அஃப்சல்குஞ்சில் இறங்கி நாம்பள்ளி நோக்கிச் சென்றபோதுதான், பணப் பையைப் பேருந்திலேயே விட்டுச் சென்றது அவருக்கு தெரியவந்தது.

பேருந்தில் கேட்பாரற்றுக் கிடந்த பையைக் கண்ட நடத்துனர் சரிதா, உடனடியாக ஓட்டுநர் நரசிம்ஹுலுவிடம் தகவல் தெரிவித்தார். இருவரும் அந்தப் பணத்தைப் பத்திரப்படுத்தி வைத்துவிட்டு, பயணி திரும்பி வருவார் என எதிர்பார்த்துக் காத்திருந்தனர். தன் பையைத் தேடி பதற்றத்துடன் பேருந்து நிலையத்திற்குத் விரைந்து வந்த ஜஹாங்கீரிடம், சரிதாவும் நரசிம்ஹுலுவும் ரூ 3 லட்சம் ரொக்கத்தையும் அப்படியே ஒப்படைத்தனர்.

https://twitter.com/Bavazir_network/status/2096577786911854643/video/1

நடத்துனர் சரிதாவின் இந்த நேர்மையையும் கடமையுணர்வையும் பாராட்டி தெலங்கானா போக்குவரத்துத் துறை அமைச்சர் பொன்னம் பிரபாகர் தனது வாழ்த்துகளைத் தெரிவித்துக் கொண்டார். சரிதா மற்றும் ஓட்டுநர் நரசிம்ஹுலுவின் இந்த முன்மாதிரியான செயல், அரசுப் போக்குவரத்துக் கழக ஊழியர்களின் நேர்மைக்கும் பொறுப்புணர்விற்கும் சிறந்த சான்றாக அமைந்ததோடு, பொதுமக்களிடையேயும் பெரும் வரவேற்பைப் பெற்றுள்ளது.