அமெரிக்க அதிபர் டொனால்ட் டிரம்ப், அமெரிக்காவில் குடியுரிமையையும் எளிதாகப் பெறும் வகையில், ‘டிரம்ப் தங்க அட்டை’ என்ற புதிய திட்டத்தை அறிமுகப்படுத்தியுள்ளார். ‘டிரம்ப் தங்க அட்டை’ என்பது கிரீன் கார்டை விடச் சிறந்தது என்று டிரம்ப் கூறியுள்ளார். இது சட்டப்பூர்வ நிரந்தர வதிவிட அந்தஸ்தை (lawful permanent resident status) விரைவாகப் பெற உதவும். இந்தத் திட்டம் ஏற்கனவே உள்ள EB-5 முதலீட்டாளர் விசா திட்டத்திற்குப் பதிலாக அறிமுகப்படுத்தப்பட்டுள்ளது. விண்ணப்பதாரர்களின் பின்னணி மிகத் தீவிரமாகச் சரிபார்க்கப்பட்டு, தகுதியானவர்களுக்கு மட்டுமே இந்த அட்டை வழங்கப்படும்.
அங்கீகரிக்கப்பட்ட விண்ணப்பதாரர்கள் EB-1 அல்லது EB-2 விசா வைத்திருப்பவர்களாக சட்டப்பூர்வ நிரந்தர வதிவிட அந்தஸ்தைப் பெறுவார்கள், இது நாடு முழுவதும் வாழவும் வேலை செய்யவும் அனுமதிக்கிறது. இந்தத் தங்க அட்டையைப் பெற விரும்பும் விண்ணப்பதாரர்கள், அமெரிக்க அரசுக்கு ஒரு மில்லியன் டாலர் (இந்திய மதிப்பில் சுமார் 8.3 கோடி ரூபாய்) நன்கொடையாக வழங்க வேண்டும்.