கழுகுப்பார்வையா இது..? கண்ணிமைக்கும் நேரத்தில்.. தண்ணீருக்குள் இருந்து தூக்கப்பட்ட பிரம்மாண்ட மீன்…! மிரண்டுபோன நெட்டிசன்கள்…!

விலங்குகளின் வேட்டைத் திறன் எப்போதுமே மனிதர்களை வியப்பில் ஆழ்த்தத் தவறுவதில்லை. காடுகளிலும் நீர்நிலைகளிலும் தினந்தோறும் அரங்கேறும் இந்த வாழ்வாதாரப் போராட்டங்கள், இயற்கையின் விசித்திரங்களை நமக்கு உணர்த்துகின்றன. குறிப்பாக, வானில் மிக உயரத்தில் பறந்து கொண்டே, தண்ணீருக்குள் இருக்கும் இரையைக் துல்லியமாகக் கணிக்கும் கழுகுகளின் “கழுகுப்பார்வை” என்பது வெறும் வார்த்தை அல்ல, அது ஒரு அசாத்தியமான வேட்டைத் திறன் என்பதை நிரூபிக்கும் வகையில் இந்த நிகழ்வு அமைந்துள்ளது.

பொதுவாக கழுகுகள் நீரின் மேற்பரப்பில் மின்னல் வேகத்தில் பாய்ந்து மீன்களைத் தூக்கிச் செல்லும். ஆனால், இந்த வைரல் காட்சியில் கழுகு ஒன்று தண்ணீருக்குள் தத்தளிப்பது போல அமர்ந்துள்ளது. சற்றே நிதானித்த அது, தண்ணீரில் இருந்து மேல்நோக்கி எழும்பும் போது பார்வையாளர்களின் கண்கள் விரிந்தன. ஏனெனில், அது தன் கூர்மையான நகங்களால் தண்ணீருக்குள் இருந்த ஒரு ராட்சத மீனை மிக லாவகமாகப் பிடித்துக் கொண்டு மேலே எழும்பியது.

https://www.instagram.com/reel/DZxfQ8KRjSd/?utm_source=ig_web_button_share_sheet

அந்த மீனின் அளவும் எடையும் மிக அதிகமாக இருந்ததால், கழுகினால் வழக்கமான வேகத்தில் வானில் உயரப் பறக்க முடியவில்லை. தன் பலத்தையெல்லாம் திரட்டி, அந்தப் பெரிய மீனைத் தூக்கிக் கொண்டு, தட்டுத்தடுமாறி சிறகடித்து வான்நோக்கிப் பறந்து சென்றது. இயற்கையின் இந்த அரிய மற்றும் மெய்சிலிர்க்க வைக்கும் வேட்டைக்காட்சி, தற்போது சமூக வலைத்தளங்களில் பார்ப்போரை பெரும் பிரமிப்பில் ஆழ்த்தி வருகின்றது.