மாஸ் சம்பவம் பண்ண பெண்கள்.. மதுக்கடைக்கு எதிராக நடத்திய அதிரடி ‘மின்னல்’ தாக்குதல்.. மத்தியப் பிரதேசத்தில் அதிர வைக்கும் சம்பவம்…!!

மத்தியப் பிரதேச மாநிலம் ஜபல்பூரில் உள்ள தாம்தா கிராமத்தில் புதிதாகத் திறக்கப்பட்ட மதுக்கடைக்கு எதிராக, அப்பகுதி பெண்கள் மற்றும் குழந்தைகள் திரண்டு வந்து கடுமையான போராட்டத்தில் ஈடுபட்டனர். தங்களின் பாதுகாப்பு மற்றும் கிராமத்தின் அமைதிக்குக் கேடு விளைவிக்கும் வகையில் இந்த மதுக்கடை திறக்கப்பட்டுள்ளதாகக் கூறி, கிராம மக்கள் ஏற்கனவே அதிகாரிகளிடம் எழுத்துப்பூர்வமாகப் புகார் அளித்திருந்தும் எந்த நடவடிக்கையும் எடுக்கப்படாததால் இந்தத் தாக்குதல் நடத்தப்பட்டுள்ளது.

கையில் தடிகளுடன் வந்த பெண்களின் கூட்டம், அந்த மதுக்கடையை முற்றுகையிட்டு அங்கிருந்த பொருட்களை அடித்து நொறுக்கி நாசப்படுத்தியது. அதோடு மட்டுமல்லாமல், கடையிலிருந்த மது பாட்டில்களையும், கல்லாப்பெட்டியில் இருந்த பணத்தையும் அவர்கள் அங்கிருந்து லூட்டி செய்து எடுத்துச் சென்றனர். இந்த வன்முறை மற்றும் லூட்டி தொடர்பான வீடியோக்கள் சமூக வலைத்தளங்களில் வெளியாகி பெரும் பரபரப்பை ஏற்படுத்தின.

இந்தத் தாக்குதலுக்குப் பிறகு, “மீண்டும் இந்த மதுக்கடை திறக்கப்பட்டால், இதே போன்ற கடுமையான விளைவுகள் மீண்டும் ஏற்படும்” என்று அந்தப் பெண்கள் எச்சரித்துள்ளனர். இச்சம்பவம் குறித்துத் தகவல் அறிந்த காவல்துறையினர் வழக்குப் பதிவு செய்து, மதுக்கடையை அடித்து நொறுக்கிய மற்றும் பொருட்களைக் கொள்ளையடித்துச் சென்ற நபர்களைக் கண்டறியும் தீவிர விசாரணையில் ஈடுபட்டு வருகின்றனர்.