மகளிர் குழுக்களுக்கு ஜாக்பாட்! “முழு கடனும் தள்ளுபடி”… உங்கள் பெயரும் பட்டியலில் இருக்கிறதா?… அரசு வெளியிட்ட அதிரடி அரசாணை…!!

தமிழகத்தில் கிராமப்புற மற்றும் நகர்ப்புறப் பெண்களின் வாழ்வாதாரத்தை மேம்படுத்தும் தூண்களாக விளங்கும் மகளிர் சுய உதவிக்குழுக்களின் கடன் சுமையை குறைக்க, 2021 சட்டமன்றத் தேர்தல் வாக்குறுதியின்படி திமுக அரசு அதிரடி நடவடிக்கைகளை எடுத்துள்ளது. கடந்த 2021 மார்ச் 31 நிலவரப்படி நிலுவையில் இருந்த 10.56 லட்சம் பெண்களின் ரூ.2,674 கோடி மதிப்பிலான கடன்களைத் தள்ளுபடி செய்ய அரசு உத்தரவிட்டது. இதன் மூலம் பல ஆண்டுகளாகக் கடன் தவிப்பில் இருந்த லட்சக்கணக்கான பெண்கள் நிம்மதி அடைந்ததோடு, புதிய நம்பிக்கையுடன் சிறு தொழில்களில் ஈடுபடும் சூழல் உருவாகியுள்ளது.

இந்த கடன் தள்ளுபடித் திட்டத்தைச் செயல்படுத்த, அசல் மற்றும் வட்டித் தொகையை வங்கிகளுக்கு ஈடுகட்ட அரசு நிதி ஒதுக்கீடு செய்து வருகிறது. தற்போது, 2025 ஏப்ரல் 30 வரையிலான 7 சதவீத வட்டித் தொகையான ரூ.193.68 கோடியை அரசு விடுவித்துள்ளது. இதனுடன் அசல் தொகையான ரூ.2,118.85 கோடியையும் சேர்த்து மாவட்ட மத்திய கூட்டுறவு வங்கிகள் மூலம் தொடக்கக் கூட்டுறவு கடன் சங்கங்களுக்கு வழங்க உத்தரவிடப்பட்டுள்ளது. அரசின் இந்த நிதி விடுவிப்பு நடவடிக்கையால் கூட்டுறவு வங்கிகளின் நிதிநிலை பலப்படுத்தப்பட்டுள்ளது.

அரசிடமிருந்து அசல் மற்றும் வட்டித் தொகை முழுமையாகக் கிடைத்துள்ளதால், இனி மகளிர் குழுக்கள், விவசாயிகள் மற்றும் சிறு தொழில் முனைவோருக்கு எவ்விதத் தடையுமின்றி புதிய கடன்களை வழங்க முடியும் என வங்கி அதிகாரிகள் தெரிவித்துள்ளனர். இது பெண்களின் நிதிச் சுதந்திரத்தை உறுதி செய்வதோடு, சமூக மேம்பாட்டிற்கும் பெரும் ஊக்கமளிக்கும். அதே வேளையில், 5 பவுன் நகைக்கடன் தள்ளுபடி தொடர்பான அடுத்தகட்ட அறிவிப்புகளையும் மக்கள் ஆவலுடன் எதிர்பார்த்து காத்திருக்கின்றனர்.