ஐயோ கடவுளே… பைக்கைக் கவிழ்த்துவிட்டு நிற்காமல் சென்ற வாகனம்… கண் முன்பே மனைவி மற்றும் ஒரு வயது மகனைப் பறிகொடுத்து… கதறும் கணவனின் தவிப்பு… நெஞ்சை பதறவைக்கும் சோகம்…!

மகாராஷ்டிர மாநிலம் தானே மாவட்டம் முப்ரா பகுதியில் அருகே சென்றுகொண்டிருந்த மோட்டார் சைக்கிள் மீது அடையாளம் தெரியாத வாகனம் ஒன்று பின்திருப்பிய மோதிய விபத்தில், பிவண்டியைச் சேர்ந்த தாயும் அவரது ஒரு வயது மகனும் பரிதாபமாக உயிரிழந்தனர். விபத்தில் பலத்த காயமடைந்த பெண்ணின் கணவர் மற்றும் அவர்களின் ஐந்து வயது மூத்த மகன் இருவரும் கல்வாவில் உள்ள சத்ரபதி சிவாஜி மருத்துவமனையில் தீவிர சிகிச்சை பெற்று வருகின்றனர்.

பிவண்டி மகாடா காலனியைச் சேர்ந்த சஜித் ரையின் தனது மனைவி சானியா (26) மற்றும் இரண்டு குழந்தைகளுடன் முப்ராவில் உள்ள மனைவியின் பெற்றோர் வீட்டிற்குச் சென்றுவிட்டு மீண்டும் பைக் மூலம் ஊர் திரும்பியபோது இந்த விபத்து நேர்ந்துள்ளது. அடையாளம் தெரியாத வாகனம் வேகமாக மோதியதால் கட்டுப்பாட்டை இழந்த பைக் சாலையில் கவிழ்ந்ததில், சானியா மற்றும் குழந்தையான ஷாஜைப் சம்பவ இடத்திலேயே உயிரிழந்தனர்.

விபத்து ஏற்படுத்திய வாகனத்துடன் தலைமறைவான ஓட்டுநரைத் தேடும் பணியில் முப்ரா காவல்துறையினர் தீவிரமாக ஈடுபட்டுள்ளனர். இப்பகுதியில் உள்ள சிசிடிவி காட்சிகளை ஆய்வு செய்து வரும் காவல்துறையினர், விபத்துக்கான காரணத்தைக் கண்டறிய விசாரணையை முடுக்கிவிட்டுள்ளனர்.