அட கொடுமையே… மில்க் ஷேக் குடிக்க வந்த இடத்தில் கொடூரம்… கையில் கத்தியோடு வந்து தாக்கிய மர்மநபர்… வாரணாசியில் ரத்தக் கறையுடன் அரங்கேறிய அதிர்ச்சிச் சம்பவம்…!

வாரணாசியில் உள்ள ஒரு உணவு மற்றும் பானக் கடையில் நடந்த அதிர்ச்சி தரும் சிசிடிவி காட்சிகள் தற்போது வெளியாகி பெரும் பரபரப்பை ஏற்படுத்தியுள்ளன. கடையில் மில்க் ஷேக் குடித்துக்கொண்டிருந்த ஒரு இளைஞரை, மர்ம நபர் ஒருவர் கொடூரமாகத் தாக்கியுள்ளார். கையில் பெரிய கத்தியை வைத்துக் கொண்டு, அந்த இளைஞரின் தலையில் ஜக்கைக் கொண்டு பலமுறை தாக்கிய இந்தச் சம்பவம் அங்கிருந்தவர்களை உறைந்துபோகச் செய்தது.

பாதிக்கப்பட்ட இளைஞர் கொடுத்த புகாரின்படி, அவர் அமைதியாக மில்க் ஷேக் குடிப்பதற்காகவே கடைக்குள் வந்துள்ளார். ஆனால், அவரைப் பின்தொடர்ந்து வந்த கும்பல் திட்டமிட்டு இந்தத் தாக்குதலை நடத்தியுள்ளது. இந்தச் சம்பவம் அந்தப் பகுதியில் பெரும் அச்சத்தை ஏற்படுத்தியுள்ளதுடன், சட்டம்-ஒழுங்கு குறித்த கேள்விகளையும் எழுப்பியுள்ளது.

https://twitter.com/IndiaToday/status/2113246810827624614/video/1

இந்த வழக்கில் தொடர்புடைய மூன்று பேர் மீது காவல் நிலையத்தில் புகார் அளிக்கப்பட்டுள்ளதாகக் காவல்துறையினர் தெரிவித்தனர். தலைமறைவாக உள்ள அந்த மூன்று பேரையும் உடனடியாகக் கைது செய்வதற்காகத் தீவிரத் தேடுதல் வேட்டையை முடுக்கிவிட்டுள்ளதாகக் காவல்துறை தரப்பில் உறுதிப்படுத்தப்பட்டுள்ளது.