சென்னை ஆவடியில் செயல்பட்டு வரும் மத்திய அரசின் பாதுகாப்புத் துறை சார்ந்த ராணுவ வாகன நிகாம் லிமிடெட் (AVNL) நிறுவனத்தில் காலியாக உள்ள பணியிடங்களை நிரப்புவதற்கான புதிய அறிவிப்பு வெளியாகியுள்ளது. சீனியர் மேனேஜர் (மெடிக்கல்), பார்மசிஸ்ட் மற்றும் நர்சிங் அசிஸ்டென்ட் ஆகிய பிரிவுகளில் மொத்தம் 9 பணியிடங்கள் ஒப்பந்த அடிப்படையில் தற்காலிகமாக நிரப்பப்பட உள்ளன. இப்பணிகளுக்கு விண்ணப்பிக்க விரும்பும் விண்ணப்பதாரர்கள், அங்கீகரிக்கப்பட்ட கல்வி நிறுவனத்தில் இருந்து அந்தந்தப் பிரிவுகளுக்கு ஏற்ப MBBS, அல்லது B .SC Nursing போன்ற தகுதிகளைப் பெற்றிருக்க வேண்டும்.
விண்ணப்பதாரர்கள் 18 முதல் 30 வயதிற்கு உட்பட்டவராக இருக்க வேண்டும் இருப்பினும், அரசு விதிமுறைகளின்படி குறிப்பிட்ட பிரிவினருக்கு வயது வரம்பில் தளர்வுகள் வழங்கப்படும். தகுதியுள்ள நபர்கள் avnl.co.in என்ற அதிகாரப்பூர்வ இணையதளத்தில் விண்ணப்பப் படிவத்தைப் பதிவிறக்கம் செய்து, அதனை முறையாகப் பூர்த்தி செய்து தேவையான சான்றிதழ் நகல்களுடன் தபால் மூலம் அனுப்ப வேண்டும். பூர்த்தி செய்யப்பட்ட விண்ணப்பங்கள் சென்றடைய வேண்டிய கடைசித் தேதி மற்றும் விரிவான தகுதிகள் குறித்து இணையதளத்தில் உள்ள அதிகாரப்பூர்வ அறிவிப்பைப் பார்த்து உறுதி செய்துகொள்ள அறிவுறுத்தப்படுகிறார்கள்.