திக் திக் நிமிடங்கள்… ஓடும் இரயிலில் பாய முயன்ற நண்பன்… உயிரை பணையம் வைத்து மீட்ட இளைஞர்… மும்பையில் நெஞ்சை பதறவைக்கும் சம்பவம்…!

மும்பையின் விக்ரோலி இரயில் நிலையம் அருகே ஓடிக்கொண்டிருக்கும் இரயில் தண்டவாளத்தில் நடந்த ஒரு ஆபத்தான உயிர்காப்பு மீட்பு வீடியோ, சமூக ஊடக தளங்களில் வைரலாகி பெரும் பரபரப்பை ஏற்படுத்தி வருகிறது. இக்கட்டான அந்த நொடியில் சமயோசிதமாகச் செயல்பட்டு, ஒரு உயிரைக் காப்பாற்றிய அந்த இளைஞரின் துணிச்சலான வீரம் இணையவாசிகளால் பெரிதும் பாராட்டப்பட்டு வருகிறது.

அந்த வீடியோ காட்சியில், கடுமையான மன உளைச்சலால் பாதிக்கப்பட்ட ஒரு வாலிபர், அந்த வழியாக வேகமாக வந்துகொண்டிருந்த லோக்கல் இரயிலின் முன்பாகத் குதித்து தனது உயிரை மாய்த்துக் கொள்ள மீண்டும் மீண்டும் முயற்சிப்பதை பார்க்க முடிகிறது. ஆனால், சில நொடிகள் முன்பாகவே, தண்டவாளத்தில் பாய முயன்ற அந்த நபரை அவருடைய நண்பர் மிக சாதுரியமாகப் போராடி, இழுத்து வந்து பத்திரமாக மீட்டிருந்தார்.

https://twitter.com/nextminutenews7/status/2118982210539991266/video/1

இருப்பினும், அந்த முதல் கட்ட மீட்பு முயற்சிக்குப் பிறகும், அந்த நபர் தன் நண்பரின் பிடியிலிருந்து விடுபட்டு, நகர்ந்து சென்று தண்டவாளத்தை நோக்கித் தவழ்ந்து சென்று, வேகமாக ஓடிக்கொண்டிருந்த இரயிலுக்கு அடியில் மீண்டும் விழ முயன்றார். இந்த ஒட்டுமொத்த சம்பவமும் பார்ப்பவர்களை நெஞ்சை பதற வைக்கும் வகையில் அதிர்ச்சியை ஏற்படுத்தியுள்ளது.