எங்களை மீறி எங்கே போகும்?… எல்லை தாண்டி ஓடிய பெண் புலி… அசாம் காட்டில் சிக்கியது… இணையத்தில் வைரலாகும் ஷாக்கிங் வீடியோ… !

மேற்கு வங்காளத்தில் வனவிலங்கு பாதுகாப்பு திட்டத்தின்க கீழ் முதன்முதலாக இடமாற்றம் செய்யப்பட்ட பெண் புலியான “டோயர்ஸ் ராணி”, கடந்த சில நாட்களாகக் காணாமல் போயிருந்தது. வனத்துறையினர் தொடர் கண்காணிப்பில் ஈடுபட்டு வந்த நிலையில், அந்த புலி எல்லை கடந்து அண்டை மாநிலமான அசாமின் காடுகளுக்குள் புகுந்தது தெரியவந்தது. வனவிலங்கு அதிகாரிகளின் தீவிர தேடுதல் வேட்டைக்குப் பிறகு, அசாம் வனப்பகுதியில் அது வெற்றிகரமாகக் கண்டுபிடிக்கப்பட்டுப் பிடிக்கப்பட்டுள்ளது.

டோயர்ஸ் ராணி காணாமல் போனது குறித்த தகவல் கிடைத்தவுடன், மேற்கு வங்காளம் மற்றும் அசாம் மாநில வனத்துறை அதிகாரிகள் இணைந்து ஒரு கூட்டு மீட்பு நடவடிக்கையை மேற்கொண்டனர். புலியில் பொருத்தப்பட்டிருந்த ரேடியோ காலர் மற்றும் ஜி.பி.எஸ் கண்காணிப்பு கருவிகளின் சமிக்ஞைகளை அடிப்படையாகக் கொண்டு வனத்துறையினர் அதன் இருப்பிடத்தைக் துல்லியமாகக் கண்டறிந்தனர். புலியின் நடமாட்டத்தைக் தொடர்ந்து கண்காணித்து, அசாம் பகுதி வன எல்லைக்குள் பாதுகாப்பாக அதைச் சூழ்ந்து பிடித்தனர்.

https://twitter.com/IndianExpress/status/2117612387641761878/video/1

பிடிபட்ட டோயர்ஸ் ராணிக்கு உடனடியாக மருத்துவப் பரிசோதனைகள் மேற்கொள்ளப்பட்டன. புலி ஆரோக்கியமான நிலையில் இருப்பதாகவும், அசாம் பகுதியில் இருந்து மீண்டும் அதன் பாதுகாப்பான இயற்கை வாழ்விடத்திற்கு அல்லது மேற்கு வங்கத்தின் ஒதுக்கப்பட்ட வனப்பகுதிக்கு மாற்றப்பட உள்ளதாகவும் வனத்துறை அதிகாரிகள் தெரிவித்தனர். இச்சம்பவம் மாநிலங்களுக்கு இடையேயான வனவிலங்கு பாதுகாப்பு மற்றும் கண்காணிப்பு அமைப்பின் முக்கியத்துவத்தை மீண்டும் உறுதிப்படுத்தியுள்ளது.