போதை ஏற்றிய வெறி.. பெற்ற மகனையே ரத்த வெள்ளத்தில் துடிக்க துடிக்க கொன்ற தந்தை.. திடுக்கிடும் பின்னணி..!!

தஞ்சை மாவட்டம் திருச்சிற்றம்பலம் அருகில் உள்ள மேல ஒட்டங்காடு காந்தி ரோடு பகுதியில் சுப்பிரமணியன் என்ற தேங்காய் உரிக்கும் தொழிலாளி வசித்து வருகிறார். இவருக்கு 29 வயதில் மணிகண்டன் என்ற மகன் உள்ளார். அப்பா, தந்தை அடிக்கடி மது அருந்திவிட்டு வீடு திரும்புவதை வழக்கமாகக் கொண்டிருந்தனர். இதனால் இவர்களது குடும்பத்தில் தொடர்ந்து வாக்குவாதங்களும் கருத்து வேறுபாடுகளும் நிலவி வந்ததாகக் கூறப்படுகிறது. இந்நிலையில், நேற்று முன்தினம் இரவும் தந்தைக்கும் மகனுக்கும் இடையே கடும் தகராறு வெடித்தது. ஆத்திரமடைந்த மணிகண்டன் தந்தையைத் தாக்கிவிட்டு வெளியில் சென்றுள்ளார்.

பின்னர் நள்ளிரவில் வீடு திரும்பிய அவர், சோர்வின் காரணமாக ஆழ்ந்த உறக்கத்தில் ஆழ்ந்துள்ளார். மகன் தன்னைத் தாக்கிய சம்பவத்தால் கடுமையான கோபத்தில் இருந்த சுப்பிரமணியன், தூங்கிக் கொண்டிருந்த மணிகண்டனைத் தேங்காய் உரிக்கும் இரும்புக் கம்பியால் சரமாரியாகத் தாக்கியுள்ளார். இதில் பலத்த காயமடைந்த மணிகண்டன், ரத்த வெள்ளத்தில் சம்பவ இடத்திலேயே பரிதாபமாக உயிரிழந்தார். இக்கொடூர சம்பவம் குறித்துத் தகவலறிந்த திருச்சிற்றம்பலம் காவல்துறையினர், உடனடியாக சம்பவ இடத்திற்கு விரைந்து வந்து மணிகண்டனின் உடலைக் கைப்பற்றினர். பின்னர் அவரது உடல் பிரேத பரிசோதனைக்காகப் பேராவூரணி அரசு மருத்துவமனைக்கு அனுப்பி வைக்கப்பட்டது. இது தொடர்பாக வழக்குப் பதிவு செய்த போலீசார், தந்தை சுப்பிரமணியனைக் கைது செய்து தீவிர விசாரணை மேற்கொண்டு வருகின்றனர். குடும்பத் தகராறில் பெற்ற மகனையே தந்தையே அடித்துக் கொன்ற இந்தத் துயரச் சம்பவம் மேல ஒட்டங்காடு மற்றும் அதன் சுற்றுவட்டாரப் பகுதிகளில் பெரும் அதிர்ச்சியை ஏற்படுத்தியுள்ளது.