யார் சாமி நீ… ரூ 46 லட்சம் சம்பளம்… அமேசான் வேலையை உதறி தள்ளிட்டு… ராணுவத்தில் குதித்த மாஸ் இளைஞர்… மனதை நெகிழ வாய்த்த சம்பவம்…!

உத்தரப்பிரதேச மாநிலம் லக்னோவைச் சேர்ந்த 27 வயதான ஷர்தேந்து திவாரி, பஞ்சாப் பொறியியல் கல்லூரியில் கணினி அறிவியலில் முதுகலைப் பட்டம் பெற்றவர். முன்னணி பன்னாட்டு நிறுவனமான அமேசானில் தொழில்நுட்பத் துறையில் ஆண்டுக்கு ரூ. 46 லட்சம் உயரிய ஊதியத்தில் பணியாற்றி வந்த இவர், நாட்டின் மீது கொண்ட பற்றினால் அந்த சொகுசு வேலையைத் துறந்து இந்திய ராணுவத்தில் இணைந்துள்ளார்.

இவரது தந்தை ராஜ்குமார் திவாரி 36 ஆண்டுகள் ராணுவத்தில் பணியாற்றி கௌரவ கேப்டனாக ஓய்வு பெற்றவர் என்பதால், குடும்பப் பாரம்பரியம் இவருக்கு முக்கிய தூண்டுகோலாக அமைந்தது. அதோடு மட்டுமல்லாமல் சாகசம், தலைமைத்துவம் மற்றும் களப்பணி ஆகியவற்றின் மீது கொண்ட ஈர்ப்பால், 8 முறை முயன்று தொழில்நுட்பப் பாதை வழியாக ராணுவத்தில் சேரும் தனது இலக்கை அடைந்துள்ளார்.

கயாவில் உள்ள அதிகாரிகள் பயிற்சி அகாடமியில் பயிற்சியின் போது, இவரது சிறந்த தலைமைப் பண்புகளை அங்கீகரிக்கும் வகையில் அகாடமியின் மிக உயர்ந்த கேடட் பதவிகளில் ஒன்றான சீனியர் அண்டர் ஆபீசராக தேர்வு செய்யப்பட்டார். ரூ. 46 லட்சம் சம்பளத்தை விட நாட்டின் சேவையே பெரிது என நிரூபித்துள்ள இவரின் இச்செயல் பல இளைஞர்களுக்குப் பெரும் ஊக்கமாக அமைந்துள்ளது.