கொல்கத்தாவின் பாபு காட் பகுதியில் சத் பூஜை ஏற்பாடுகளை ஆய்வு செய்து கொண்டிருந்த மேற்கு வங்க அமைச்சர் இந்திரனில் கான், கங்கை ஆற்றின் வலுவான நீரோட்டத்தில் நாய் ஒன்று தத்தளிப்பதைக் கண்டார்.
உடனடியாகச் செயல்பட்ட அவர், அங்கிருந்த தேசிய பேரிடர் மீட்புப் படை வீரர்களை எச்சரித்ததைத் தொடர்ந்து, அவர்கள் மூன்று அதிவேகப் படகுகள் மூலம் சென்று அந்த நாயைப் பத்திரமாக மீட்டனர்.
கரைக்குக் கொண்டு வரப்பட்ட நாய் குளிரில் நடுங்கிக் கொண்டிருந்ததால், அமைச்சர் அதனைத் துண்டால் போர்த்தி, சூடான பால் கொடுத்து, அது இயல்பு நிலைக்குத் திரும்பும் வரை உடனிருந்து கவனித்துக் கொண்டார்.
