பழைய வீடியோவை வைத்து வீண் வதந்தி…! வழக்கம் போல் தங்கு தடையின்றி இயங்கும் நாட்டின் முதல் ஹைட்ரஜன் ரயில்…! நெட்டிசன்களுக்கு வடக்கு ரயில்வே கொடுத்த தெளிவான விளக்கம்…!!

சமூக வலைத்தளங்களில் ரயில் ஒன்று நிலையத்திற்குள் நுழைப்போது சிலர் அதன் மீது சரமாரியாகக் கல்வீசித் தாக்கும் வீடியோ ஒன்று அதிவேகமாகப் பரவி வருகிறது. டெல்லி ஜந்தர் மந்தரில் போராட்டம் நடத்தி வரும் ‘காக்கராய் ஜனதா கட்சி’ (CJP) மற்றும் அதன் ஆதரவாளர்கள்தான் நாட்டின் முதல் ஹைட்ரஜன் ரயிலைக் குறிவைத்து இந்தத் தாக்குதலை நடத்தியதாகப் பலரும் பதிவிட்டு வந்தனர். இருப்பினும், இந்த வீடியோ எந்த நிலையத்தில், எப்போது எடுக்கப்பட்டது என்ற தெளிவான ஆதாரங்கள் இல்லாத நிலையிலும், இந்த விவகாரம் பெரும் பேசுபொருளாகி சர்ச்சையை ஏற்படுத்தியது.

இந்நிலையில் இந்த விவகாரம் குறித்து விளக்கம் அளித்துள்ள வடக்கு ரயில்வே நிர்வாகம், பரப்பப்படும் செய்திகள் அனைத்தும் முற்றிலும் பொய் எனத் தெரிவிடைத்துள்ளது. வீடியோவில் தாக்குதலுக்குள்ளாகும் ரயில் ஹைட்ரஜன் ரயிலே அல்ல என்றும், அது பிஹார் மாதேபுரா தொழிற்சாலையில் தயாரிக்கப்பட்ட WAG-12 என்ற சக்திவாய்ந்த மின்சாரச் சரக்கு ரயில் இன்ஜின் என்றும் சுட்டிக்காட்டியுள்ளது. மேலும், அது பழைய வீடியோவாக இருக்கக்கூடும் என்றும், நாட்டின் முதல் ஹைட்ரஜன் ரயில் தனது அட்டவணையின்படி எவ்வித தடையுமின்றி வழக்கம்போல் இயங்கி வருவதாகவும் கூறி ரயில்வே நிர்வாகம் வதந்திகளுக்கு முற்றுப்புள்ளி வைத்துள்ளது.