இதயத்தை நொறுக்கும் வீடியோ: “அப்பா எழுந்திருப்பா” நாட்டுக்காக வீரமரணம் அடைந்த தந்தையை அழுதுகொண்டே எழுப்பும் மகள்…!!

நாட்டுக்காக உயிர் தியாகம் செய்த ஒரு மக்கள் நாயகனின் இறுதிச் சடங்கில் நெஞ்சை உலுக்கும் சம்பவம் நடந்துள்ளது. ஜம்மு காஸ்மீரில் தீவிரவாதிகளுடனான துப்பாக்கிச்சூட்டில் வீரமரணம் அடைந்த அம்ஜத் கானின் உடல் அஞ்சலிக்காக வைக்கப்பட்டிருந்தது. அப்போது அந்த வீரரின் ஒரு வயது மகள் ‘அப்பா.. அப்பா..’ என தனது தந்தையை எழுந்திருக்க சொன்னது, காண்போரின் இதயத்தை நொறுக்கியுள்ளது.  இந்த காட்சி வன்முறையினால் ஏற்படும் மனித இழப்புகளின் கோர முகத்தை வெளிப்படுத்துகிறது. பயங்கரவாதத்தின் கொடூரமான உண்மையை இந்தத் தருணம் அடிக்கோடிட்டுக் காட்டுகிறது.

அது ஒரு உயிரை மட்டும் பறிப்பதில்லை; ஒரு குடும்பத்தையே சிதைக்கிறது. தியாகத்தின் ஆழம் புரியாத பிஞ்சு குழந்தைகள், அதன் நிழலில் வளர வேண்டிய நிலைக்குத் தள்ளப்படுகிறார்கள். இத்தகைய செயல்களை நியாயப்படுத்துபவர்களுக்கும், பொறுப்புக்கூறல் இன்றி பேச்சுவார்த்தை பற்றிப் பேசுபவர்களுக்கும் இந்தக் காட்சி ஒரு பலத்த சாட்டையடியாகும். ஒரு அநாதை குழந்தையின் அழுகுரலையோ அல்லது எல்லைப் பாதுகாப்பில் நின்றவர்களின் உயரிய தியாகத்தையோ புறக்கணித்துவிட்டு, உண்மையான அமைதியைக் கட்டியெழுப்ப முடியாது.