“திக் திக் நிமிடம்!… பேருந்தில் ஏற முயன்ற 70 வயது மூதாட்டி… அடுத்த நிமிடமே காத்திருந்த அதிர்ச்சி… கடையத்தை உலுக்கிய பெரும் சோகம் சம்பவம்…!!!1

தென்காசி மாவட்டம் கடையம் அருகே உள்ள மேட்டூர் பகுதியைச் சேர்ந்த 70 வயது மூதாட்டி சுப்பம்மாள், இன்று காலை நெல்லைக்குச் செல்வதற்காகப் பேருந்து நிறுத்தத்தில் காத்திருந்துள்ளார். அப்போது அங்கு வந்த அரசுப் பேருந்தில் அவர் ஏற முயன்றபோது, வயது மூப்பு காரணமாகப் படிக்கட்டில் ஏறுவதற்குச் சிரமப்பட்டுள்ளார். அவர் முழுமையாக ஏறுவதற்கு முன்னரே ஓட்டுநர் பேருந்தை இயக்கியதாகக் கூறப்படுகிறது.

இந்த எதிர்பாராத நிகழ்வால் நிலைதடுமாறிய சுப்பம்மாள், பேருந்திலிருந்து கீழே விழுந்து சம்பவ இடத்திலேயே பரிதாபமாக உயிரிழந்தார். இச்சம்பவம் குறித்துத் தகவல் அறிந்த கடையம் காவல்துறையினர் விரைந்து வந்து, மூதாட்டியின் உடலைக் கைப்பற்றிப் பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். இந்த விபத்து அப்பகுதியில் பெரும் சோகத்தை ஏற்படுத்தியுள்ளது.

தற்போது இந்த விபத்து தொடர்பான சி.சி.டி.வி. காட்சிகள் சமூக வலைதளங்களில் வெளியாகிப் பரவி வருகின்றன. அந்த ஆதாரங்களைக் கைப்பற்றிய கடையம் போலீசார், ஓட்டுநரின் கவனக்குறைவு குறித்துத் தீவிர விசாரணை மேற்கொண்டு வருகின்றனர். பொதுமக்களிடையே இந்தப் படக்காட்சிகள் அதிர்ச்சியை ஏற்படுத்தியுள்ளன.