ஒடிசாவின் நயாகர் மாவட்டம் ரன்பூர் பகுதியில் 10 வயது சிறுமி பாலியல் வன்கொடுமை செய்யப்பட்ட கொடூர சம்பவம் பெரும் அதிர்ச்சியை ஏற்படுத்தியுள்ளது. சிறுமி தனது நண்பர்களுடன் விளையாடிக் கொண்டிருந்தபோது, பிரசாந்த் நாயக் (22) மற்றும் 14 வயது சிறுவன் ஆகிய இருவரும் அவளைத் தனிமையான இடத்திற்கு அழைத்துச் சென்று இந்த அக்கிரமத்தைச் செய்துள்ளனர். சிறுமியின் தாய் சம்பவ இடத்திற்கு வந்தபோது, இருவரும் கையும் களவுமாகப் பிடிபட்டனர்.
தகவல் அறிந்து விரைந்து வந்த ரன்பூர் காவல்துறையினர், பிரசாந்த் நாயக் மற்றும் அந்தச் சிறுவனைக் கைது செய்துள்ளனர். பாதிக்கப்பட்ட சிறுமிக்கு மருத்துவப் பரிசோதனைகள் மேற்கொள்ளப்பட்டுள்ள நிலையில், தடயவியல் நிபுணர்கள் சம்பவ இடத்தில் ஆதாரங்களைச் சேகரித்துள்ளனர். இந்த விவகாரம் தொடர்பாகப் பாக்சோ (POCSO) சட்டத்தின் கீழ் வழக்குப் பதிவு செய்யப்பட்டுத் தீவிர விசாரணை நடைபெற்று வருகிறது.