Rajinikanth: நெல்சன் இயக்கத்தில் ரஜினிகாந்த் நடித்த ஜெயிலர் படம் பிரம்மாண்ட அளவில் பிளாக் பஸ்டர் ஹிட் ஆனது. இதனையடுத்து லோகேஷ் கனகராஜ் இயக்கத்தில் ரஜினிகாந்த் நடிக்க உள்ளதாக சில தகவல்கள் வெளியானது. இந்நிலையில் சன் பிக்சர்ஸ் நிறுவனம் லோகேஷ் கனகராஜ்- ரஜினிகாந்த் இணையும் தலைவர் 171 படம் குறித்த அதிகாரப்பூர்வ அறிவிப்பை வெளியிட்டது.
அவசர அவசரமாக சன் பிக்சர்ஸ் நிறுவனம் தலைவரின் 171-வது படம் குறித்த அறிவிப்பை வெளியிட்டது ஏன்? என பலரும் குழப்பத்தில் இருந்தனர். ஜெயிலர் படத்திற்கு முன்பு சன் பிக்சர்ஸ் நிறுவனத்தின் ஷேர் குறைவாகவே இருந்துள்ளது. ஆனால் ஜெயிலர் படத்தின் வெற்றிக்கு பிறகு சன் பிக்சர்ஸ் நிறுவனத்தின் ஷேர் அதிகரித்துள்ளது.
இதனால் இன்வெஸ்டர்களை கவரும் நோக்கத்தில் அவசர அவசரமாக சன் பிக்சர்ஸ் நிறுவனம் தலைவர் 171 படத்தின் அறிவிப்பை வெளியிட்டதாக கூறப்படுகிறது. ஆனால் இது குறித்த உண்மை தகவல் இன்னும் வெளியாகவில்லை.
ஏற்கனவே இயக்குனர் லோகேஷ் கனகராஜ் நடிகர் விஜய் மற்றும் திரிஷாவை வைத்து “லியோ” படத்தை இயக்கியுள்ளார். இந்த படம் ரசிகர்களிடையே மிகுந்த எதிர்பார்ப்பை ஏற்படுத்தி வருகிறது. இந்நிலையில் லோகேஷ் கனகராஜ்- ரஜினி இணையும் தலைவர் 171 படம் குறித்த அதிகாரப்பூர்வ அறிவிப்பால் ரசிகர்கள் கொண்டாட்டத்தில் உள்ளனர்.
We are happy to announce Superstar @rajinikanth’s #Thalaivar171
Written & Directed by @Dir_Lokesh
An @anirudhofficial musical
Action by @anbariv pic.twitter.com/fNGCUZq1xi
— Sun Pictures (@sunpictures) September 11, 2023