மகளிர் உரிமைத் தொகையை எதிர்பார்த்து காத்திருக்கும் பயனாளிகளுக்கு ஒரு மகிழ்ச்சியான செய்தி வெளியாகியுள்ளது. பொதுவாக ஒவ்வொரு மாதமும் 15-ம் தேதி பயனாளிகளின் வங்கி கணக்கில் ரூ 1,000 வரவு வைக்கப்படும். ஆனால், இந்த மாதம் 15-ம் தேதி ஞாயிற்றுக்கிழமை வங்கி விடுமுறை நாளாக அமைவதால், ஒரு நாள் முன்னதாகவே அதாவது நாளைய தினமே (நவம்பர் 14) உரிமைத் தொகை விடுவிக்கப்பட உள்ளதாக அரசு வட்டாரங்கள் தெரிவிக்கின்றன.
இதற்கு முன்பும் மாதத்தின் 15-ம் தேதி விடுமுறை நாட்களில் வந்தபோது, மகளிரின் நலன் கருதி முன்கூட்டியே வங்கி கணக்கில் பணம் வரவு வைக்கப்பட்டிருப்பது குறிப்பிடத்தக்கது. நாளை காலை முதலே பயனாளிகளின் வங்கி கணக்குகளுக்கு ரூ 1,000 சென்றடையும் என எதிர்பார்க்கப்படுவதால் இல்லத்தரசிகள் மிகுந்த மகிழ்ச்சியடைந்துள்ளனர்.