நடிகர் எஸ்.வி. சேகர் உணவுத்துறை அமைச்சரை டேக் செய்து ரேஷன் கடைகளில் கைரேகை மற்றும் விழித்திரை பதிவு செய்யும் பழைய எந்திரங்களால் வயதானவர்கள் படும் அவதியைச் சுட்டிக்காட்டியுள்ளார். விரல் தேய்மானம், வறட்சி போன்ற உடல்ரீதியான காரணங்களாலும், ஸ்கேனர்களின் தொழில்நுட்பக் கோளாறுகளாலும் சாமானிய மக்கள் இலவசப் பொருட்களைப் பெற முடியாமல் அலைக்கழிக்கப்படுகிறார்கள்.
விளம்பர வெளிச்சம் இல்லாத சாமானிய மக்களால் இது போன்ற முறையீடுகளை நேரடியாக அதிகாரிகளிடமோ சமூக வலைத்தளங்களிலோ எளிதில் கொண்டு செல்ல முடியாது. இதனால் அவர்கள் ரேஷன் கடை ஊழியர்களின் முறையீடுகளோடு முடங்கிப்போய், மீண்டும் இ-சேவை மையங்களை நாடும் இக்கட்டான சூழலுக்குத் தள்ளப்படுகின்றனர்.
எனவே, தொழில்நுட்ப கட்டுப்பாடுக்கு பொதுமக்களுக்குப் பொருட்கள் மறுக்கப்படுவதை அரசு அனுமதிக்கக் கூடாது. கைரேகை பதிவு தோல்வியடையும் பட்சத்தில், அவசர கால மாற்றாக விழித்திரை, முக அடையாளச் சரிபார்ப்பு அல்லது ஒடிபி முறையைக் கொண்டுவந்து ஏழை எளிய மக்களின் துயரத்திற்கு உடனடியாகத் தீர்வு காண வேண்டும்.