வீட்டில் திருமணக் கொண்டாட்டங்கள் வெகு விமர்சையாக நடந்து கொண்டிருந்த சூழலில், வருகை தந்த உறவினர்களை வரவேற்கவும் அவர்களின் வசதிக்காகவும் வீட்டின் மொட்டை மாடியில் பந்தல் அமைக்கும் பணி நடைபெற்று வந்தது. கிருஷ்ணகிரி பகுதியைச் சேர்ந்த இர்பான் மற்றும் காமில் ஆகிய இரு பந்தல் பணியாளர்கள் மாடியில் இரும்பு பந்தல் கம்பிகளை அமைக்கும் பணியில் தீவிரமாக ஈடுபட்டுக்கொண்டிருந்தனர்.
அப்போது, எதிர்பாராதவிதமாக அவர்கள் கையாண்ட ஒரு நீண்ட இரும்புக் கம்பி, வீட்டின் அருகே மிகத் தாழ்வாகச் சென்றுகொண்டிருந்த உயர் அழுத்த மின்சாரக் கம்பியின் மீது உரசியது. கண்மூடித் திறப்பதற்குள் பாய்ந்த அதிக வீரியமுள்ள மின்சாரம் பந்தல் பணியாளர்கள் இருவரையும் பலமாகத் தாக்கியது. அவர்களின் அலறல் சத்தம் கேட்டு, அவர்களைக் காப்பாற்றுவதற்காகத் திருமண வீட்டைச் சேர்ந்த உறவினர் பதறியடித்துக்கொண்டு மாடிக்கு விரைந்து ஓடினார்.
https://twitter.com/ashishpaswan0/status/2104529763247509731/video/1
ஆனால், மின்சாரத்தின் வீரியத்தைப் அறியாமல் அவர்களைத் தொட முயன்றதால், காப்பாற்றச் சென்ற அந்த நபர் மீதும் மின்சாரம் பாய்ந்தது. இதனால் மூன்று பேரும் சம்பவ இடத்திலேயே மின்சார அதிர்ச்சியால் தூக்கி வீசப்பட்டு, பரிதாபமாக உயிரிழந்தனர். மகிழ்ச்சியும் கொண்டாட்டமுமாக இருக்க வேண்டிய திருமண வீடு, ஒரு நொடியில் நேரிட்ட இந்த எதிர்பாராத விபத்தால் ஈடுசெய்ய முடியாத சோகத்திலும் பெருந்துயரத்திலும் மூழ்கியது.