சுரேந்திர சிங் சௌத்ரி என்ற 20 வயது இளைஞர், மத்தியப் பிரதேசத்தின் அஜ்னார் நதிக்கரைகள் மற்றும் டெல்லி-என்சிஆர் பகுதிகளில் உள்ள நீர்நிலைகளில் உள்ள குப்பைகளைத் தனியாகச் சுத்தம் செய்து சமூக வலைதளங்களில் விழிப்புணர்வு ஏற்படுத்தி வருகிறார். இவரது இந்தச் சுயநலமற்ற சுற்றுச்சூழல் சேவையைக் கண்டு ஈர்க்கப்பட்ட பெங்களூரைச் சேர்ந்த தொழிலதிபர் சித்தார்த் தியாலானி, எக்ஸ் தளத்தில் பிட்டு தபாஹியின் செயல்பாடுகளைப் பாராட்டிப் பதிவிட்டுள்ளார்.
சித்தார்த் தியாலானி தனது பதிவில், பிட்டு தபாஹியின் உழைப்பு தன்னைப் பெரிதும் ஊக்கப்படுத்தியதாகவும், அவரைத் தொடர்புகொள்ள உதவி செய்யுமாறும் நெட்டிசன்களிடம் கேட்டுக் கொண்டார். மேலும், பிட்டு தபாஹி செய்துவரும் விரிவான தூய்மைப் பணிகளுக்கு நிதி உதவி வழங்குவதோடு, தன்னைப் போன்ற ஒத்த சிந்தனையுடையவர்களிடமிருந்து கூடுதல் நிதியைத் திரட்டித் தரத் தயாராக இருப்பதாகவும் அவர் உறுதியளித்துள்ளார்.
இந்த அறிவிப்பு சமூக வலைதளங்களில் பெரும் வரவேற்பைப் பெற்றுள்ளது. இணையவாசிகள் பலரும், “இறுதியாக ஒரு நல்ல முயற்சிக்குத் தகுந்த ஆதரவு கிடைத்துள்ளது” என மகிழ்ச்சி தெரிவித்துள்ளனர். மேலும் பலர், தாங்களும் இந்த நீர்நிலைத் தூய்மைப் பணிக்குத் தங்களால் இயன்ற நிதி உதவிகளை வழங்க விரும்புவதாகக் கூறி இந்தப் பாராட்டுக்குரிய முயற்சியை வரவேற்றுள்ளனர்.