சென்னை மாவட்டம் போரூர் பகுதியில் 23 வயதான இளைஞர் சிவ சூர்யா, தனது தந்தை கௌதமனுடன் சேர்ந்து ஆர்வத்துடன் பேட்மிண்டன் விளையாடிக் கொண்டிருந்தார். தந்தை – மகன் இருவரும் மகிழ்ச்சியாக விளையாடிக் கொண்டிருந்த அந்த தருணத்தில், எதிர்பாராதவிதமாகச் சிவ சூர்யா திடீரென மயங்கி கீழே சரிந்து விழுந்துள்ளார்.
கண்முன்னே மகன் திடீரென மயங்கி விழுந்ததைக் கண்டு அதிர்ச்சியடைந்த தந்தை கௌதமன் மற்றும் குடும்பத்தினர், அவரை உடனடியாக மீட்டு அருகில் உள்ள மருத்துவமனைக்குக் பதறியடித்தபடி கொண்டு சென்று அனுமதித்தனர்.
அங்குச் சிவ சூர்யாவைப் பரிசோதித்த மருத்துவர்கள், அவர் ஏற்கனவே மாரடைப்பு ஏற்பட்டு உயிரிழந்துவிட்டதாகத் தெரிவித்து பெரும் அதிர்ச்சியை ஏற்படுத்தினர். 23 வயதே ஆன இளம் வாலிபர் தந்தையுடன் விளையாடிக் கொண்டிருந்த போதே மாரடைப்பால் உயிரிழந்த இச்சம்பவம், போரூர் பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது.