தமிழ்நாடு திருவள்ளூர் மாவட்டம் பொன்னேரி அரசு மருத்துவமனையில் தற்காலிக கணினிப் பிரிவில் பணியாற்றி வந்த 35 வயது பெண் ஊழியர் மீது, பிரகாஷ் என்ற நபர் திடீரென மருத்துவமனை வளாகத்திற்குள்ளேயே புகுந்து கொடூரமாகத் தாக்கி, அவர் மீது தீவைத்து கொளுத்தியுள்ளார்.
மருத்துவமனை வளாகத்திலேயே பெண் ஊழியர் தீப்பிடித்து அலறிய சம்பவம் அங்கிருந்தவர்களை உறைந்து போகச் செய்தது. இக்கொடூரச் செயலில் ஈடுபட்டுவிட்டு தப்பியோட முயன்ற பிரகாஷைப் பிடிக்கப் போலிஸ் படை விரைந்தது.
அப்போது போலிஸ் படையையே தாக்க முயன்ற கொடூரன் பிரகாஷைப் போலிஸார் காலில் துப்பாக்கியால் சுட்டு அதிரடியாகக் கைது செய்தனர். மருத்துவமனைக்குள்ளேயே புகுந்து பெண் ஊழியரை உயிரோடு கொளுத்த முயன்ற இச்சம்பவம் தமிழகம் முழுவதும் பெரும் பரபரப்பையும் அதிர்ச்சியையும் ஏற்படுத்தியுள்ளது.